बिज्ञापन

बिज्ञापन

यसरी खारेजीमा परेका निजामती कर्मचारीका ट्रेड युनियनहरूलाई सरकारी जग्गामा बनेका भवन तथा अन्य भौतिक संरचना ३ दिनभित्र खाली गर्न अल्टिमेटम दिएको भए पनि उद्योग वाणिज्य मन्त्रालयले आफैं मातहतको आयल निगमको सञ्चालक समिति सदस्यमा प्रतिनिधित्व गरिरहेको ट्रेड युनियनकर्मीलाई अझैं देखेको छैन ।
आयल निगमको सञ्चालक समिति अध्यक्ष छन्,सचिव कृष्ण राउत यस्तै सदस्यमा सहसचिव नेत्र सुवेदी,शंकर बहादुर केसी,कुमारी ज्योती श्रेष्ठ,नरबहादुर एयर,दिपक बरालका अलवा उनै विरेन्द्र चन्द वोर्ड मेम्बर छन् । चन्द नेपाल आयल निगम राष्ट्रिय कर्मचारी संघ केन्द्रीय समितिको अध्यक्षको भूमिकामा हुँदा आयल निगमको सञ्चालक सदस्य नियुक्त भएका हुन ।
उनी तीन बर्ष अगाडि नेपाल आयल निगम राष्ट्रिय कर्मचारी संघ (आधिकारिक ट्रेड युनियन) केन्द्रीय समितिको नवौँ राष्ट्रिय महाधिवेशनबाट अध्यक्षमा निर्वाचित भएका हुन । उद्योग वाणिज्य तथा आपूर्ति मन्त्रालयका सचिवको अध्यक्षमा रहेको बोर्डमा चन्दले समेत प्रतिनिधित्व गर्दै आएका छन् । चन्द नेपाल आयल निगम राष्ट्रिय कर्मचारी संघको उपाध्यक्ष हुँदै अध्यक्ष भएका हुन ।
यो बिषयमा नेपाल आयल निगम र उद्योग वाणिज्य मन्त्रालयका पदाधिकारीहरुसँग जिज्ञासा राख्दा अधिकांश संस्थानको सञ्चालक समितिमा कर्मचारी ट्रेड युनियनको प्रतिनिधित्व रहेको र ती हटिनसकेको प्रतिक्रिया दिएका छन् ।