मन्त्रिपरिषद्को बैठकले नियुक्ति,केही नियमावली स्वीकृत गर्ने निर्णय गरेको छ ।
आज बसेको मन्त्रिपरिषद्को बैठकले प्रधानमन्त्री कार्यालयका सचिव गोविन्द बहादुर कार्कीलाई मुख्यसचिव नियुक्त गरेको छ । वर्तमान मुख्यसचिव सुमनराज अर्याल असार २६ गते अनिवार्य अवकासमा जाने भएपछि सरकारले नयाँ नियुक्ति गरेको हो ।
यस्तै मन्त्रिपरिषद्को बैठकले गेटा अस्पताल कैलालीलाई सहिद दशरथचन्द स्वास्थ्य विज्ञान विश्वविद्यालय शिक्षण अस्पतालका रूपमा सञ्चालन गर्न स्वीकृति दिने निर्णय गरेको छ । यस्तै काठमाडौँ उपत्यका विकास प्राधिकरणको आयुक्त पदमा सुरज शाक्यलाई नियुक्त गर्ने निर्णय गरेको छ । शाक्य यस अघि काठमाडौं महानगरपालिकामा कार्यरत थिए ।
बिज्ञापन
यस्तै क्याविनेटले शैक्षिक परामर्श भाषा शिक्षण तथा तयारी कक्षा सञ्चालन तथा व्यवस्थापन नियमावली स्वीकृत गर्ने,करागार नियमावली स्वीकृत गर्ने,मानव अधिकार आयोगको छैटौं राष्ट्रिय कार्ययोजना स्वकीृत गर्ने र भ्रष्टाचारविरुद्धको दोश्रो रणनीतिक योजना स्वीकृत गर्ने निर्णय गरेको शिक्षामन्त्री सस्मित पोखरेलले जनाएका छन् ।
