बिज्ञापन

बिज्ञापन

यस समझदारीसँगै कर्मचारीको सेवा–सुविधा व्यवस्थापन गर्ने दुई प्रमुख सरकारी निकायका सूचना प्रणालीबीच अन्तरआबद्धता विस्तार हुने विश्वास गरिएको छ। यसबाट राष्ट्रिय कितावखानाले प्रदान गर्दै आएको कागजरहित (फेसलेस) सेवा थप प्रभावकारी, गुणस्तरीय र विस्तार हुने महानिर्देशक पोखरेलले जानकारी दिए।

दुवै निकायका संयुक्त प्राविधिक टोलीले आवश्यक प्रणालीगत संयोजन पूरा गरेपछि कर्मचारीले प्रत्यक्ष लाभ पाउने गरी दुई प्रमुख सेवा सञ्चालनमा आउनेछन्।

पहिलो, नयाँ नियुक्त हुने कर्मचारीको विवरण शिटरोलमा दर्ता भएपछि सम्बन्धित कर्मचारीको मोबाइलमा शिटरोल दर्ता भएको सूचना, संकेत नम्बर तथा सञ्चयकोषको सदस्य नम्बर स्वतः सिर्जना भएर प्राप्त हुनेछ। यसले कर्मचारीलाई छुट्टै प्रक्रिया पूरा गर्नुपर्ने झन्झट हटाउने अपेक्षा गरिएको छ।

दोस्रो, विद्युतीय पेन्सन सेवासँग सञ्चयकोषको सेवा पनि एकीकृत गरिनेछ। यस व्यवस्थापछि निवृत्त कर्मचारीले विद्युतीय पेन्सन प्रक्रिया पूरा गरेसँगै सञ्चयकोषमा जम्मा भएको रकम पनि सोझै सम्बन्धित बैंक खातामा स्थानान्तरण हुने व्यवस्था मिलाइनेछ।

राष्ट्रिय कितावखानाका अनुसार यस सहकार्यले सरकारी सेवा प्रवाहलाई थप डिजिटल, छरितो, पारदर्शी र सेवाग्राहीमैत्री बनाउने अपेक्षा गरिएको छ।