बिज्ञापन

बिज्ञापन

आयोगको उपाध्यक्ष पद केही समयदेखि रिक्त रहेको थियो। यसअघि पूर्व उपाध्यक्ष डा. अञ्जनीकुमार झा सार्वजनिक पदाधिकारीको पदमुक्तिसम्बन्धी विशेष व्यवस्थासम्बन्धी अध्यादेश कार्यान्वयनपछि पदमुक्त भएका थिए। त्यसपछि आयोगको नियमित काम प्रभावित नहोस् भनेर पूर्व उपाध्यक्ष प्रा.डा. श्रीकृष्ण गिरीलाई कार्यवाहक उपाध्यक्षको जिम्मेवारी दिइएको थियो।

रिक्त पदका लागि १० जनाले आवेदन दिएका थिए। आवेदन दिनेमा पूर्व उपाध्यक्ष प्रा.डा. श्रीकृष्ण गिरी, स्वास्थ्य तथा जनसंख्या मन्त्रालयका पूर्व सचिव डा. रोशन पोखरेल, प्रा.डा. गेहनाथ बराल, प्रा.डा. दिनेशकुमार लम्साल, प्रा.डा. दीपेन्द्र श्रेष्ठ, सहप्राध्यापक डा. प्रमोदकुमार यादव, प्रा.डा. सञ्जयकुमार श्रेष्ठ, प्रा.डा. सुरज बज्राचार्य, प्रा.डा. शैलेश प्रधानसहित डा. देवेन्द्रबहादुर खत्री रहेका थिए।

छनोट समितिले उम्मेदवारहरूको सोचपत्र प्रस्तुतीकरण, कार्ययोजना र अन्तर्वार्ताका आधारमा सिफारिस गरेको सूचीबाट प्रधानमन्त्री शाहले डा. खत्रीलाई उपाध्यक्षमा नियुक्त गरेका हुन्।

डा. खत्री नेपाली सेनाका दुईतारे जर्नेलका रूपमा लामो समय स्वास्थ्य सेवा तथा व्यवस्थापन क्षेत्रमा कार्यरत रहिसकेका व्यक्ति हुन्। उनको नियुक्तिसँगै चिकित्सा शिक्षा सुधार, नियमन तथा चिकित्सा शिक्षाको गुणस्तर अभिवृद्धिसम्बन्धी आयोगका कामले थप गति लिने अपेक्षा गरिएको छ।