अर्थ मन्त्रालयले राजस्व प्रशासनका दुई महत्वपूर्ण निकायमा नेतृत्व परिवर्तन गर्दै नयाँ महानिर्देशकहरू नियुक्त गरेको छ।
बिज्ञापन
मन्त्रालयले भन्सार विभागको महानिर्देशकको जिम्मेवारी सहसचिव यमलाल भुसाललाई दिएको छ। यसअघि विभागको निमित्त महानिर्देशकको जिम्मेवारी सम्हालिरहेका भरतमणि पाण्डेयलाई भने अर्थ मन्त्रालयबाहिर सरुवा गरिएको छ। साथै, विभागको उपमहानिर्देशकमा सहसचिव प्रेमप्रसाद आचार्यलाई नियुक्त गरिएको मन्त्रालयले जनाएको छ।
बिज्ञापन
त्यसैगरी, आन्तरिक राजस्व विभागको महानिर्देशकमा सहसचिव डा. भीष्मकुमार भुसाललाई जिम्मेवारी दिइएको छ। विभागका तत्कालीन महानिर्देशक रमेश अर्याललाई पनि अर्थ मन्त्रालयबाहिर सरुवा गरिएको छ।
अर्थ मन्त्रालयका अनुसार नयाँ जिम्मेवारी पाएका यमलाल भुसाल, डा. भीष्मकुमार भुसाल र प्रेमप्रसाद आचार्य हालै मन्त्रिपरिषद्को निर्णयबाट अर्थ मन्त्रालयमा सरुवा भएर आएका सहसचिव हुन्। मन्त्रालयमा आएलगत्तै उनीहरूलाई राजस्व संकलनसँग प्रत्यक्ष सम्बन्धित प्रमुख निकायको नेतृत्व र व्यवस्थापकीय जिम्मेवारी सुम्पिएको हो।
बिज्ञापन
