सरकारले सिंहदरबारभित्र कार्यरत कर्मचारीलाई लक्षित गर्दै निजामती कर्मचारी इकाइ सञ्चालनमा ल्याएको छ ।
भूमि व्यवस्था, सहकारी, संघीय मामिला तथा सामान्य प्रशासन मन्त्रालयले सिंहदरबारधित्र कार्यरत सात हजार बढी कर्मचारीलाई लक्षित गर्दै निजामती कर्मचारी अस्पताल मातहत रहने गरी निजामती कर्मचारी उपचार सेवा इकाइ सञ्चालनमा ल्याएको हो संघीय मामिला तथा सामान्य प्रशासन मन्त्रालय भवनको तल्लो तलामा आजदेखि सेवा इकाइ सञ्चालनमा आएको हो।
बिज्ञापन
हजारौंका संख्यामा कार्यरत कर्मचारीलाई स्वास्थ्य परीक्षणमा सहजता दिलाउन इकाइ सञ्चालन गरिएको मन्त्रालयले जनाएको छ । स्वास्थ्य जाँचको लागि बाहिर जानुपर्ने, बिदामा बस्नुपर्ने अवस्थालाई रोक्न सिंहदरबारमा इकाई सञ्चालन गरिएको मन्त्रालयले जनाएको छ । अब सो इकाइबाटै सिंहदरबारभित्रका कर्मचारीहरुको सामान्य स्वास्थ्य उपचार, जाँच, रगत लगायतका परीक्षण यहाँबाट हुन्छ । रिपोर्ट अनलाइनबाट लिन सकिने जनाइएको छ ।
