सरकारले कर्मचारीको उचित व्यवस्थापन गर्न नसक्दा महिनौंदेखि कतिपय निकायहरु सचिवविहिन अवस्थामा चलिरहेका छन् उता प्रधानमन्त्री कार्यालयमा आधा दर्जन सचिवलाई जिम्मेवारीविहिन बनाएर राखिएको छ । यही सातामात्र ऊर्जा, जलस्रोत तथा सिँचाइ मन्त्रालयका सचिव चिरञ्जीवी चटौत र प्रमिलादेवी बज्राचार्य अनिवार्य अवकाशमा गएसँगै सरकारका विभिन्न चार वटा मन्त्रालय,कार्यालयहरु सचिवविहिन अबस्थामा पुगेको छ । विगतका सरकारले अवकाशमा जान लागेका कर्मचारी खुशी भएर जाओस् भन्ने शुभेच्छा विगतका सरकारहरूले राख्ने गरेका थिए । तर वर्तमान सरकारले भने अवकाशका मुखमा रहेका कर्मचारीहरुलाई धरपकड गर्ने,जगेडामा राख्ने,सरुवा गरिदिने लगायतका गतिविधि गरेको थियो । अवकाशको १५ दिन अगाडि सरुवा भएका चटौत सार्वजनिक सेवामा ३१ वर्ष बिताएर गत सोमबारबाट मात्र घर गएका हुन । उनले ३१ वर्ष सार्वजनिक सेवामा रही ऊर्जा तथा जलस्रोत क्षेत्रका विभिन्न जिम्मेवारी सम्हालेका थिए ।

बिज्ञापन

यस्तै मंगलबारबाट विज्ञान प्रविधि तथा नवप्रवर्तन मन्त्रालयकी सचिव प्रमिलादेवी शाक्य बज्राचार्य ५ वर्ष अवधि लागेर घर गएकी छिन् । शाक्य इन्जिनियरिङ क्लस्टरबाट सचिव बनेकी थिइन् । सुमनराज अर्याल मुख्यसचिव हुने बेलामा मुख्यसचिवको प्रतिस्पर्धामा रहेकी बज्राचार्यले २०७८ असार १७ गते सचिवमा बढुवा भएकी बज्राचार्य असार १६ गतेबाट अनिवार्य अवकाशमा गएकी छिन् । उनले करिब दुई साता सो मन्त्रालयको जिम्मेवारी सम्हालेकी हुन । यो सातामात्र दुई सचिवहरु अनिवार्य अवकाशमा गएसँगै ४ निकाय सचिवविहीन बनेका छन् । विज्ञान, प्रविधि तथा नवप्रवर्तन मन्त्रालय, नेपाल ट्रस्टको कार्यालय, सार्वजनिक खरिद अनुगमन कार्यालय र न्याय परिषद्को सचिवालयमा सचिव छैनन् ।