बिज्ञापन

बिज्ञापन

हालै चितवनमा सम्पन्न भएको महाधिवेशनमा पदाधिकारीका आंकाक्षी रहेर पछि व्याक भएका केहीलाई मन्त्री बनाएर मनाउने तयारी चलिरहेको रास्वपा स्रोतको भनाई छ । आन्तरिक समीकरण मिलाउन सभापति रवि लामिछानेले महाधिवेशनमा केही नेतालाई दिएको आश्वासन मन्त्री बनाएर पूरा गर्न लागिएको रास्वपा स्रोतले जनाएको छ । उद्योगमन्त्री गौरी कुमारीलाई पदमुक्त गरेर गणेश पराजुलीलाई मन्त्री बनाउने प्रस्ताव छ । त्यसैगरी महिला तथा बालबालिका मन्त्री सीता वादीलाई हटाएर समीक्षा बाँस्कोटालाई त्यो मन्त्रालयको जिम्मा दिनुपर्ने सिफारिस छ ।

महामन्त्रीको दावेदारका रुपमा मैदानमा उत्रिएर पछि बिपिन आचार्यका लागि मैदान छाडेकी रञ्जु दर्शनालाई संसदीय समितिको सभापति बनाउनुपर्ने दवाव पनि सँगै रहेको रास्वपा नेताहरुले बताएका छन् । विवेकशील साझा पार्टीबाट गत २१ फागुनको निर्वाचनअघि रास्वपामा समायोजन भएकी बाँसकोटा प्रतिनिधिसभाअन्तर्गतको कानून, न्याय तथा मानवअधिकार समितिको सभापति छिन् ।उनी मन्त्री बनेको खण्डमा रञ्जु सो समितिको सभापति बनाइने सम्भवना रहेको र सोही बिषयमा छलफल भइरहे पनि टुंगोमा नपुगिसकेको रास्वपा स्रोतले जनाएको छ ।

प्रधानमन्त्रीको सचिवालयले भने ती खबर सत्य नभएको बताएको छ ।