राष्ट्रिय कितावखाना (निजामती)ले प्रदेश सरकारहरुले सञ्चालन तथा व्यवस्थापन गर्दै आइरहेको प्रदेश पिआइएस पोर्टलमा थप तीन वटा सुविधा थप भएका छन् ।
जस अन्र्तगत सम्पत्ति विवरण व्यस्थापनको मोड्युल,प्रादेशिक फाईलिङ सिस्टम र प्रमाणीकरण म्यासेज लगायतका विशेष सुविधा बिस्तार गरिएको निजामती किताबखानाले जनाएको छ । बिस्तारित सुविधा सहितको मोड्युल आज धनगढीमा आयोजित एक कार्यक्रमका बीच विभागका महानिर्देशक श्रवण कुमार पोखरेलले सुदूरपश्चिम प्रदेश सरकारका प्रदेश सचिव बिमल बराललाई हस्तान्तरण गर्नुभएकोछ ।

महानिर्देशक पोखरेलका अनुसार मोड्युलमा मुख्यतया तीन वटा महत्वपूर्ण पक्षमा सुधार गरिएको छ । जसमध्ये सम्पत्ति विवरण व्यस्थापनको मोड्युलमा यस अघि प्रदेश सरकारहरुले आफू मातहतका कर्मचारीले हरेक वर्ष बुझाउदै आएका सम्पत्ति विवरण म्यानुअली रुपमा नै व्यवस्थापन गर्दै आईरहेकाकोमा अब विस्तारित सेवामार्फत छिटो छरितो र थप व्यवस्थित ढङ्गबाट व्यवस्थापन गर्न सकिनेछ ।
यस्तै प्रादेशिक फाईलिङ सिस्टम थप विस्तार गरिएको सेवा हो । जस अनुसार, सिटरोल लगायत कर्मचारी सूचना सम्बन्धी सम्पूर्ण डकुमेन्टको प्रयोग मार्फत अभिलेख व्य्वस्थापनमा थप सुधार गर्न सक्नेछ्न । यस्तै सरोकारवालाले आफ्नो सिटरोल दर्ता तथा संकेत नम्बर जारी भएको,सम्पत्ति विवरण दर्ता भएको कन्र्फम म्यासेज पाउनेछ्न । साविकमा यस्तो सुविधाको व्यवस्था थिएन।
महानिर्देशक पोखरेलका अनुसार मोड्युल हस्तान्तरणबाट सुदुरपश्चिम प्रदेश सरकार मातहतका ५,४५१ कर्मचारी प्रत्यक्ष लाभान्वित हुनेछन् ।