प्रधानमन्त्री बालेन्द्र शाह (बालेन) ले नेपाल–भारत सीमा विवादलाई एकपक्षीय रूपमा हेर्न नहुने बताएका छन्। संसदमा सांसदहरूले उठाएका प्रश्नको जवाफ दिने क्रममा उनले भारतले नेपालका भूभाग अतिक्रमण गरेको विषय मात्र नभई नेपालबाट पनि केही स्थानमा भारतीय भूभाग मिचिएको जानकारी आफूले प्रधानमन्त्री बनेपछि पाएको बताएका हुन्।
बिज्ञापन
उनले सीमा सम्बन्धी विषयलाई भावनात्मक बहसभन्दा पनि तथ्य र अध्ययनका आधारमा समाधान गर्नुपर्ने धारणा राखे। दुवै देशले आफ्नो–आफ्नो दाबी र वास्तविक अवस्थाको अध्ययन गरेर आपसी समझदारीमार्फत समस्या समाधान गर्न सक्ने विश्वास व्यक्त गरे।
बिज्ञापन
प्रधानमन्त्री शाहले नेपाल र भारतबीचको सीमा विवादलाई मित्रवत् ढंगले टुंग्याउन दुवै पक्ष सकारात्मक रहेको उल्लेख गर्दै यसका लागि संयुक्त अध्ययन र संवाद आवश्यक रहेको बताए।
“भारतले मिचेको र नेपालले मिचेको भनिएका सबै क्षेत्रको वस्तुगत अध्ययन गरी दुई देशले साथीको रूपमा बसेर समाधान खोज्नुपर्छ,” उनले भने।
बिज्ञापन
उनको भनाइपछि नेपाल–भारत सीमा व्यवस्थापन र अतिक्रमणसम्बन्धी विषय पुनः चर्चामा आएको छ।
