सरकारी सेवामा महिला कर्मचारीको संख्या ३० प्रतिशत पुगेको छ । सरकारले हालै सार्वजनिक गरेको आर्थिक सर्वेक्षण अनुसार सरकारी सेवामा महिला कर्मचारीको संख्या ३० प्रतिशत पुगेको हो । ०६५ असारसम्म निजामती सेवामा महिलाको सङ्ख्या १२ प्रतिशत रहेकोमा २०८२ फागुनसम्म निजामती किताबखानामा दर्ता भएका तीन तहका सरकारी निकायमा कार्यरत महिला कर्मचारीको सङ्ख्या ३० प्रतिशत पुगेको आर्थिक सर्भेक्षणमा उल्लेख छ ।
बिज्ञापन
यस्तै समावेशी व्यवस्था लागू भएपछि समावेशी विज्ञापनबाट २६ हजार २ सय ७४ जना उम्मेदवार सिफारिस भएको सर्भेक्षणमा उल्लेख गरिएको छ । तहगत रुपमा स्थानीय तहमा ३१ हजार ५०२,संघमा ९ हजार ७४७ र प्रदेशमा तीन हजार ३४१ महिला कर्मचारी कार्यरत छन् ।
बिज्ञापन
सरकारले चालु आर्थिक वर्षको फागुनसम्म सङ्घीय सरकारका विभिन्न निकायको संगठन तथा व्यवस्थापन सर्वेक्षण सम्पन्न भई निजामती सेवा अन्तर्गतका विभिन्न सेवा, समूह र श्रेणीतर्फ ५० हजार ७ सय ६८ दरबन्दी कायम भएको जनाएको छ । यस्तो दरबन्दी सङ्ख्या २०८२ असारमा ५१ हजार ४ सय ५ रहेको थियो ।
बिज्ञापन
