अख्तियारले तीन सरकारी साक्षीविरुद्ध भ्रष्टाचार मुद्दा दायर गरेको छ । आयोगले बयान फेरेको भन्दै उनीहरुविरुद्ध मुद्धा दायर गरेको हो । अख्तियारले प्रतिवादी ढुण्डिराज दाहाल रहेको भ्रष्टाचार मुद्दामा ती तीनजनालाई सरकारी सरकारी साक्षीका रूपमा प्रस्तुत गरिएको थियो । तर घुस प्रकरणमा अदालतमा बयान फेरेको आयोगले विप्लव पोख्रेल, प्रल्हाद गौतम र राजेश श्रेष्ठविरुद्ध मंगलबार आरोपपत्र दायर गरेको हो ।

बिज्ञापन

आयोगका अनुसार भुक्तानी प्रक्रिया सहज बनाउन विप्लव पोख्रेलले आरएसभी मेटलको तर्फबाट २७ हजार ३५० रूपैयाँ र अभियान्ता नेपालको तर्फबाट २९ हजार रूपैयाँ गरी कूल ५६ हजार ३५० रूपैयाँ घुस दिएको पुष्टि भएको छ । त्यस्तै, प्रल्हाद गौतमले शुभश्री टेक्नोलोजिज लगायतको तर्फबाट ३७ हजार ५०० रूपैयाँ तथा राजेश श्रेष्ठले विप्लव पोख्रेलमार्फत २७ हजार ३५० रूपैयाँ घुस दिएको अख्तियारको दाबी छ । तीन जनाले दिएको कूल घुस रकम ९३ हजार ८५० रूपैयाँ रहेको आयोगले जनाएको छ ।