काठमाडौं — उपत्यका अपराध अनुसन्धान कार्यालयले काठमाडौँको न्युरोडस्थित एक गोदाममा छापा मार्दै ठूलो परिमाणमा इलेक्ट्रिक चुरोट (भेप) बरामद गरेको छ। विशेष सूचनाका आधारमा सोमबार साँझ गरिएको उक्त कारबाहीमा करिब २८ हजार ५ सय थान भेप फेला परेको प्रहरीले जनाएको छ।
बिज्ञापन
कार्यालयका एसएसपी सन्तोष खड्काका अनुसार आरबी कम्प्लेक्समा सञ्चालित ‘स्माइल योर च्वाइस’ नामक पसलसँग सम्बन्धित दुईवटा गोदाममा छापा मारिएको हो। बरामद गरिएका सबै सामग्रीलाई टेकुस्थित उपत्यका अपराध अनुसन्धान कार्यालयमा ल्याई आवश्यक अनुसन्धान अघि बढाइएको छ।
बिज्ञापन
प्रहरीले अवैध रूपमा भेपको कारोबार तथा निर्यातमा संलग्न रहेको आरोपमा ललितपुरको महालक्ष्मी नगरपालिका–८ का ३२ वर्षीय नवीन खड्कालाई पक्राउ गरेको छ।
बरामद भेपको बजार मूल्य करिब ६ करोड रुपैयाँ बराबर हुन सक्ने प्रारम्भिक अनुमान गरिएको प्रहरीले जनाएको छ। यस विषयमा थप अनुसन्धान भइरहेको छ।
