बिज्ञापन

बिज्ञापन

थापाले सुरुमा अनुसन्धानमा सहयोग गरेपछि अख्तियारले मुद्दाको साक्षी बनाएको थियो। उनले भिजिट भिसामा हुने सहसचिव भट्टराईमार्फत हुने सेटिङ र त्यसको कारोबारका विषयमा अख्तियारलाई जानकारी दिएका थिए। विशेष अदालतमा बकपत्र गर्नेक्रममा त्यसको प्रतिकूल हुने गरी बताएपछि आयोगले उनलाई मुद्दा दायर गरेको हो।डीएमसी ट्रेभल्स प्रालि पोखराका तत्कालीन मार्केटिङ अफिसर रहेका थापाले विशेष अदालत, काठमाडौँमा उल्टो बकपत्र गरेपछि अख्तियारले उनी विरुद्ध नै मुद्दा चलाएको हो ।

मुख्य कसुरदारले गरेको भ्रष्टाचार जन्य कार्यको नगद तथा अन्य गैरकानुनी लाभ प्राप्त गर्ने मतियार भई थापाले कसुर गरेको पुष्टि हुन आएको छ । मुख्य कसुरदारलाई भ्रष्टाचार निवारण ऐन बमोजिम निर्देश गरे अनुसार बिगो ३० लाख २० हजार रुपैयाँ कायम गरी कैद र बिगो बमोजिम जरिबाना तथा बिगो रकम जफतरअसुल हुने सजायलाई आधार मानिएको छ ।
सहसचिव भट्टराई त्रिभुवन अन्तर्राष्ट्रिय विमानस्थलस्थित अध्यागमन कार्यालयको प्रमुख हुँदा ट्राभल एजेन्सीसँग मिलेर दिनमै लाखौँ असुल्ने गरेको छानबिनमा खुलेको थियो। सो पैसा उनले विभिन्न व्यक्तिको नाममा राखेको खुलेपछि भ्रष्टाचारसँथै सम्पत्ति शुद्धीकरणको मुद्दासमेत दायर भएकोमा छ। जुन मुद्दा विशेष अदालतमा विचाराधीन छ।