गृह मन्त्रालयले आठ जना कर्मचारीहरुको सरुवा गरेको छ । मन्त्रालयको गत वैशाख ३० को निर्णय अनुसार उपसचिवस्तरका दुई र मंगलबारको निर्णय अनुसार सहसचिव तहका ६ जना कर्मचारीहरुको सरुवा भएको हो ।
बिज्ञापन
गृह मन्त्रालका अनुसार रिक्त रहेका तीन जिल्लामा नयाँ प्रमुख जिल्ला अधिकारी खटाइएको छ यस्तै तीन वटा विभागका प्रमुखहरुको सरुवा गरेको छ । सरुवाको सूची अनुसार,प्रमुख अध्यागमन अधिकृत निश्चलराज पाण्डेलाई दाङको प्रमुख जिल्ला अधिकारीको जिम्मेवारी दिएर खटाइएको छ भने कारागार व्यवस्थापन विभागका महानिर्देशक शशिधर घिमिरेलाई जिल्ला प्रशासन कार्यालय सिन्धुपाल्चोकमा पठाइएको छ । यस्तै,अध्यागमन विभागका प्रमुख नरहरि घिमिरेलाई जिल्ला प्रशासन कार्यालय ललितपुरको प्रमुख जिल्ला अधिकारी,रुपन्देहीको प्रमुख जिल्ला अधिकारी माधव पोखरेललाई कारागार व्यवस्था विभागको महानिर्देशकको जिम्मेवारी दिइएको छ ।
यस्तै, दाङको सिडियो विश्व प्रकाश अर्याललाई जिल्ला प्रशासन कार्यालय रुपन्देही र धनकुटाको सिडियो विनोद कुमार खड्कालाई भक्तपुरको प्रमुख जिल्ला अधिकारीको जिम्मेवारी दिइएको छ ।
यस्तै गृहले गत वैशाख ३० मा रुकुम पश्चिमको प्रमुख जिल्ला अधिकारीमा निशानराज गौतमलाई खटाएको छ भने दिनेश प्रसाद थानीलाई गृहमा ल्याएको जनाएको छ ।
बिज्ञापन
