बिज्ञापन

बिज्ञापन

राष्ट्रिय किताबखानाका महानिर्देशक श्रवणकुमार पोखरेल र गण्डकी प्रदेश प्रशिक्षण प्रतिष्ठानका कार्यकारी प्रमुख सुरेन्द्रबाबु तिवारीबीच समझदारीपत्रमा हस्ताक्षर भएको हो। यससँगै प्रतिष्ठानले कर्मचारी व्यक्तिगत सूचना प्रणाली (पीआईएस) को तालिम मोड्युल सञ्चालन तथा व्यवस्थापन गर्न सक्ने पहुँच प्राप्त गरेको छ।

यस व्यवस्थाअनुसार अब गण्डकी प्रदेश प्रशिक्षण प्रतिष्ठानबाट तालिम लिने राष्ट्रसेवक कर्मचारीहरूको तालिमसम्बन्धी सम्पूर्ण विवरण प्रतिष्ठानले नै पीआईएस प्रणालीमा अद्यावधिक गर्नेछ। साथै तालिम प्रमाणपत्रको डिजिटल प्रति पनि प्रणालीमा अपलोड गरिनेछ।

यो व्यवस्थाको कार्यान्वयनपछि कर्मचारी सूचना बैंक स्वतः थप पूर्ण, व्यवस्थित र परिस्कृत हुँदै जाने विश्वास गरिएको छ। साथै तालिम प्रदायक संस्थाले प्रमाणपत्रको मूल प्रति अलग्गै अभिलेख राखिरहनुपर्ने झन्झट पनि हट्नेछ।

अर्कोतर्फ, तालिम प्राप्त कर्मचारीहरूले आफ्ना विवरण अद्यावधिक गराउन राष्ट्रिय किताबखानामा धाइरहनु नपर्ने व्यवस्था हुनेछ। प्रमाणपत्र हराएको अवस्थामा पनि किताबखानाबाट सजिलै प्रतिलिपि प्राप्त गर्न सकिनेछ।

राष्ट्रिय किताबखानाका अनुसार यो सहकार्य सेवा अन्तरआवद्धताका लागि दशौँ साझेदारी हो भने संघीय राजधानीबाहिरको दोस्रो तालिम प्रदायक संस्थासँग गरिएको सहकार्य हो।