बिज्ञापन

बिज्ञापन

दाहाल राजश्व अनुसन्धान विभागको महानिर्देशक हुँदा एउटा प्रभावशाली बैङ्कको कर छलीसम्बन्धी अनुसन्धानमा मुख्य व्यक्तिहरूको बयान लिनुअघि सरुवा भएको चर्चा चलेको थियो। त्यहाँबाट उनी ६ महिना वैदेशिक रोजगार विभागको नेतृत्व सम्हाले । दाहालले मेनपावर कम्पनीहरूको लाइसेन्स खारेज गर्नेदेखि निलम्बन गर्ने सम्मको काम सहित वैदेशिक रोजगारीको क्षेत्रमा सुधारको काम गर्दै थिए । म्यानपावरवालाहरु उनको सरुवा गर्ने शक्तिकेन्द्र धाइरहेका थिए । अन्तत म्यानपावरका मालिकहरुको चाह पूरा भएको थियो । वैदेशिक रोजगार ऐन विपरीत काम गर्ने केही म्यानपावर कम्पनीहरूलाई खारेज गरेका पनि थिए। उनले आफ्नो कार्यकालमा २ वटा मेनपावर व्यवसायीको लाइसेन्स खारेज गरेका थिए । १६ मेनपावर व्यवसायीलाई निलम्बन गरेका छन् भने ३२ वटा नयाँ मेनपावर कम्पनी दर्ता गराएका छन् । वैदेशिक रोजगार व्यवसायलाई प्रवर्द्धन गर्दै सो व्यवसायलाई सुरक्षित, व्यवस्थित र मर्यादित बनाउने तथा वैदेशिक रोजगारमा जाने कामदार र वैदेशिक रोजगार व्यवसायीको हितको संरक्षणमा लागिरहँदा उनी सरुवामा परेका थिए । त्यहाँबाट सरुवा गरेर श्रम तथा व्यवसायजन्य विभाग अर्थ हुँदै केही समय वीमा प्राधिकरणको नेतृत्व गरेका दाहाल अहिले आन्तरिक राजश्व विभागको कमाण्डर छन् ।