बिचौलिया दिपक भट्टकोस्टार माइक्रो इन्स्योरेन्स र लिबर्टी माइक्रोमा सरकारका उच्च प्रशासकहरुको शेयर स्वामित्व रहेको बिषय सार्वजनिक भएको छ । यो प्रकरणले लहरो तान्दा पहरो थर्कने स्थिति बनेको छ । सम्पत्ति शुध्दिकरणअन्तर्गत हिमालयन रिइन्स्योरेन्ससहित थुप्रै बिमा कम्पनीको ठगीउपर छानविन सिलसिलामा हाल सानेपास्थित प्रहरी हिरासतमा रहेका बिचौलिया दिपक भट्टसँग कतिपय प्रशासकहरु समेत तानिने स्थिति बनेको छ । यही प्रकरणमा अर्थका आधा दर्जन सहसचिवह अनुसन्धानको राडारमा तानिरहेको समयमा सम्पत्ति शुद्धीकरण अनुसन्धान विभागका महानिर्देशक गजेन्द्र ठाकुरकै कनेक्सन भट्टसँग देखिएको हो ।

विवादित हिमालयन रि ईन्स्योरेन्समा दिपक भट्ट, शाहिल अग्रवाल, सुलभ अग्रवाल, शेखर गोल्छा लगायत समूहको लगानी रहेको छ । सोही कम्पनीमा भट्टले अवैध कारोबार गरेको र सम्पत्ति शुद्धीकरकण सम्बन्धी कसुर गरेको भन्दै विभागले नै अनुसन्धान गरिरहेको अबस्थामा हिमालयन रि ईन्स्योरेन्समा ठाकुरले श्रीमती राखी निहारिका ठाकुरको नाममा २० हजार कित्ता लिइएको पाइएको हो । ठाकुर ७७ साल फागुन २१ मा पहिलो पटक सम्पत्ति शुद्धीकरण अनुसन्धान विभागका महानिर्देशक बनेर पुगेका थिए । पहिलो पटक उनी झण्डै सात महिना विभागका महानिर्देशक रहे । सोही समितिमा बीमा समितिले २०७८ जेठमा अनुमति दिएको र जालझेलको भूमिमा खडा गरिएको हिमालय रिइन्स्युरेन्समा सम्पत्ति शुद्धीकरण अनुसन्धान विभागका महानिर्देशक गजेन्द्र ठाकुरको श्रीमति राखी निहारिका ठाकुरको नाममा २० हजार कित्ता संस्थापक शेयर लिएको कागजातबाट खुलेको छ । निहारिकाको शेयरधनी दर्ता, नागरिकता र मतदाता परिचयबाट यसको पुष्टि हुन्छ ।