विशेष अदालतले दुई उपसचिवसहित एक निर्माण कम्पनीलाई भ्रष्टाचार मुद्धामा दोषी ठहर गरेको छ । अदालतले डोल्पाको त्रिपुरासुन्दरी नगरपालिकाका तत्कालीन प्रमुख प्रशासकीय अधिकृत लालप्रसाद पोखरेल,कर्ण बहादुर कार्कीलाई भ्रष्टाचार मुद्दामा दोषी ठहर गरेको छ ।
बिज्ञापन
विशेष अदालतका न्यायाधीशहरू सुदर्शनदेव भट्ट, हेमन्त रावल र उमेश कोइरालाको इजलासले उक्त फैसला सुनाएको हो। अदालतले तत्कालीन प्रमुख प्रशासकीय अधिकृत लालप्रसाद पोखरेल र जनही २ वर्ष कैद र १ करोड २ लाख ८१ हजार ९ सय ५० रुपैयाँ १८ पैसा जरिवाना हुने ठहर गरेको छ ।
बिज्ञापन
त्यसैगरी, निर्माण व्यवसायीका तर्फबाट दिव्य निर्माण सेवाका प्रोप्राइटर भीमराज न्यौपानेलाई २ वर्ष कैद र १ करोड २ लाख ८१ हजार ९ सय ५० रुपैयाँ १८ पैसा जरिवाना हुने फैसला सुनाएको छ ।
अदालतले प्रतिवादीहरूबाट हानी नोक्सानी भएको बिगो रकम जनही १ करोड २ लाख ८१ हजार ९ सय ५० रुपैयाँ १८ पैसा असुल गरी त्रिपुरासुन्दरी नगरपालिकाको कोषमा दाखिला गर्न आदेश दिएको छ । साथै,’अपराध पीडित संरक्षण ऐन, २०७५’ को प्रावधानअनुसार पीडित राहत कोषमा जनही ४३ हजार २ सय ७८ रुपैयाँ क्षतिपूर्ति शुल्क समेत जम्मा गर्नुपर्ने फैसलामा उल्लेख छ।
