प्रधानमन्त्री बालेन साहले अहिले रक्षासहित उद्योग मन्त्रालयको जिम्मेवारी सम्हालिरहेका छन् । जिम्मेवारी सम्हालेको हप्ता दिन नपुग्दै एक सचिवलाई बहादुर भवन (निर्वाचन आयोग) तिर मिल्काएका छन् । तीन महिनापछि अनिवार्य अवकाशमा जान लागेका मधुसुदन बुर्लाकोटी यसरी हुत्याइएका हुन् । सचिव बनेको साढे चार वर्षमा अस्ति भएको सरुवा दशौं हो । यसअघि गोपी मैनाली ९ पटक सरुवामा परेका थिए ।
बिज्ञापन
साढे तीन महिनाअगाडि तथ्यांक कार्यालयबाट उद्योगमा पुगेका र हक्की स्वभावका बुर्लाकोटीलाई प्रधानमन्त्री स्वयंले एक हप्तामै भकुण्डो बनाइनुको कारण पछि खुल्दै जाला । गत मंसिर अन्तिम सातामात्र उद्योग, वाणिज्य तथा आपूर्ति मन्त्रालयमा उद्योग हेर्ने सचिव कृष्णबहादुर राउतलाई निर्वाचन आयोगमा सरुवा गरिएको थियो । उनलाई निर्वाचन सम्पन्न भएसँगै उद्योगमै फिर्ता ल्याइएको छ भने राउतको ठाउँमा बुर्लाकोटीलाई खटाइएको हो ।
