सरकारले कानून व्यवसायीको सिंहदरबार प्रवेशमा कडाइ गरेको छ । सिंहदरवारभित्र रहेको प्रशासकीय अदालतले एक सूचना जारी गर्दै वकिलहरुलाई सिंहदरवार प्रवेशमा कडाई गरेको जनाएको हो ।
बिज्ञापन
यस अघि नेपाल बार काउन्सिल र नेपाल बार एसोसियसनबाट जारी भएको कानून व्यवसायीको परिचयपत्रका आधारमा सिंहदरबार प्रवेश गर्ने पाउँदै आएकामा अब थप कडाइ गरिएको हो ।
बिज्ञापन
प्रशासकीय अदालतका रजिष्टार सरोजराज रेग्मीले सूचना जारी गर्दै पदाधिकारी तथा कर्मचारीहरुले सम्बन्धित कार्याल्यबाट जारी भएको परिचयपत्रका आधारमा,कानुन व्यवसायीको हकमा नागरिक एपको सिंहदरवार गेट पासका आधारमा प्रवेश गर्नुपर्ने र मुद्दाका पक्ष र वारेसले भने तारिख पर्चाको आधारमा प्रवेश पाउने व्यवस्था लागू गरिएको जनाइएको छ । यस्तै सरोकारवाला र अन्य सबै प्रशासकीय अदालतको इ पासको आधारमा मात्र सिंहदरबारस्थित प्रशासकीय अदालतमा प्रवेश गर्न पाइने नयाँ व्यवस्था लागू गरिएको सूचनामा जनाइएको छ ।
