बिज्ञापन
काठमाडौं । प्रधानमन्त्री बालेन्द्र (बालेन) शाहले अघिल्ला प्रधानमन्त्रीहरूको अभ्यासभन्दा फरक कार्यशैली अपनाउँदै प्रधानमन्त्री निवास बालुवाटारमा हुने औपचारिक भेटघाट पूर्ण रूपमा बन्द गरेका छन्।
बिज्ञापन
प्रधानमन्त्री निकट स्रोतका अनुसार बालेनले सबै प्रशासनिक तथा औपचारिक काम सिंहदरबारबाटै सञ्चालन गरिरहेका छन्। उनी केही दिनयता बिहान ८:३० बजेदेखि नै कार्यालय पुगेर भेटघाट र कामकाज सुरु गर्ने गरेका छन्।
यसअघि प्रधानमन्त्रीहरू प्रायः बालुवाटारमै राजदूत, नेता तथा विभिन्न समूहसँग भेटघाट गर्थे। तर बालेनले विदेशस्थित राजदूतहरूसँगको सामूहिक भेटसमेत सिंहदरबारमै गर्ने तयारी गरेका छन्।
बिज्ञापन
स्रोतका अनुसार प्रधानमन्त्री बनेयता उनले कुनै पनि औपचारिक कार्यक्रम बालुवाटारमा आयोजना गरेका छैनन्। यसअघि काठमाडौं महानगरपालिकाको मेयर हुँदा पनि उनले ‘मेयर क्वाटर’मा औपचारिक भेटघाट नगरेको बताइएको छ।
यसबीच, प्रधानमन्त्रीले विभिन्न दलका सांसद, मन्त्री तथा उच्चपदस्थ कर्मचारीसँग नियमित छलफल गर्दै शासकीय सुधार, १०० बुँदे योजना कार्यान्वयन र मन्त्रालयहरूको कार्यप्रगति मूल्यांकनमा जोड दिएका छन्।
