रूपन्देही । रूपन्देहीको सिद्धार्थनगर नगरपालिका–स्थित नापी कार्यालय भैरहवामा सेवाग्राहीसँग अतिरिक्त रकम असुल्दै आएको आरोपमा दुई जना बिचौलियालाई प्रहरीले पक्राउ गरेको छ।
बिज्ञापन
नापी कार्यालयमा काम लिएर आउने सर्वसाधारणलाई छिटोछरितो सेवा मिलाइदिने भन्दै रकम असुल्ने गरेको सूचनाका आधारमा जिल्ला प्रहरी कार्यालय रूपन्देहीले विशेष अपरेसन सञ्चालन गरी उनीहरूलाई नियन्त्रणमा लिएको हो।
बिज्ञापन
पक्राउ पर्नेमा ओमसतिया गाउँपालिका–३ का ३२ वर्षीय शिवनारायण कुर्मी र रोहिणी गाउँपालिका–३ का ३० वर्षीय सुरेन्द्र मल्लाह रहेका छन्।
शुक्रबार नापी कार्यालय परिसरमै खटिएको विशेष प्रहरी टोलीले उनीहरूलाई नियन्त्रणमा लिएको जिल्ला प्रहरी कार्यालय रूपन्देहीका सूचना अधिकारी तथा प्रहरी नायब उपरीक्षक कृष्णकुमार चन्दले जानकारी दिए।
बिज्ञापन
उनका अनुसार सरकारी कार्यालयमा सक्रिय बिचौलिया गतिविधिलाई नियन्त्रण गर्ने उद्देश्यले चलाइएको अभियान अन्तर्गत उनीहरू पक्राउ परेका हुन्। घटनाबारे थप अनुसन्धान भइरहेको प्रहरीले जनाएको छ।
