अख्तियार दुरुपयोग अनुसन्धान मालपोत कार्यालयका प्रमुख सहित चार जनाविरुद्ध भ्रष्टाचार मुद्धा दायर गरेको छ । अख्तियारले सरकारी जग्गा कीर्ते गरी व्यक्तिको नाममा दर्ता गरेको अभियोगमा मालपोत कार्यालयका प्रमुख भीम बहादुर सोम्बाहाम्फेसहित तेजनाथ पौडेल, कमला कार्की, मनमाया नेपाली र सुबोध नेपाली लगायतलाई प्रतिवादी बनाएर मुद्धा चलाएको हो ।
बिज्ञापन
सोलुखुम्बुको साविक चौंरीखर्क गाउँ विकास समितिमा रहेको सरकारी जग्गा किर्ते गरी व्यक्तिको नाममा दर्ता गरेको अभियोगमा मालपोत कार्यालयका तत्कालीन कर्मचारीसहित चार जनाविरुद्ध विशेष अदालतमा मुद्दा दायर गरेको छ।
बिज्ञापन
साविक चौंरीखर्क–८ स्थित कित्ता नम्बर ४१८ र ४१९ को कुल ९ हजार २०० वर्ग मिटरभन्दा बढी सरकारी जग्गा कर्मचारी र जग्गाधनीको मिलेमतोमा अवैध रूपमा व्यक्तिको नाममा नामसारी गरिएको,तत्कालीन कार्यालय प्रमुख भीम बहादुर सोम्बाहाम्फेको किर्ते हस्ताक्षर गरी, फिल्डबुकमा केरमेट गरी र बिना अधिकार सरकारी जग्गालाई निजी बनाइएको अनुसन्धानबाट पुष्टि भएसँगै अख्तियारले जनाएको छ । मिलेमतोमा यो बदमासी भएको पृष्टि भएसँगै आयोगले उनीहरुविरुद्ध १९ लाख ९० हजार बराबरको बिगो मागदाबी गर्दै अदालतमा मुद्धा दायर गरेको जनाइएको छ ।
