बढुवा समितिको सचिवालयले आठ जना नायब सुव्वा तहका कर्मचारीहरुलाई शाखा अधिकृतमा बढुवाका लागि सिफारिस गरेको छ । हिजो बसेको समितिको बैठकले नेपाल आर्थिक योजना तथा तथ्यांक सेवा,नेपाल इन्जिनियरिङ सेवा र नेपाल विविध सेवाका गरी आठ जना नासु तहका कर्मचारीहरुलाई शाखा अधिकृतमा बढुवाका लागि सिफारिस गरेको हो ।
सचिवालयले नेपाल आर्थिक योजना तथा तथ्यांक सेवाका तुलसा वराल पोखरेल,जीत बहादुर कोइराला र भवानी तण्डुकारलाई बढुवाका लागि सिफारिस गरेको छ ।
यस्तै, नेपाल इन्जिनियरिङ सेवा,सिभिल इन्जिनियरिङ समूहका डबल बहादुर तमाङ,हिरालाल मण्डल,सञ्जय चौधरी,उपेन्द्र देवकोटा बढुवाका लागि सिफारिस भएका छन् भने नेपाल विविध सेवा,कम्युटर अधिकृतमा राजन खत्री बढुवाका लागि सिफारिस भएका छन् ।

बिज्ञापन

समितिले नेपाल विविध सेवा,कम्युटर इन्जिनियमा कुनै पनि उमेद्धारको दरखास्त नपरेको जनाइएको छ ।