बिज्ञापन

बिज्ञापन

आफ्नो कार्यकालमा कर्मचारी संगठन र सुरक्षा संयन्त्रको दीर्घकालिन मनोबल बढाउने काम भएको बताएकी छिन् । उनले कर्मचारीतन्त्र र सुरक्षा संगठनमा नियुक्ति र बढुवा गर्दा कतै चलखेलको ठाउँ नराखी ज्येष्ठता र कार्यक्षमतालाई आधार मानिएको र ती संगठनको दीर्घकालीन मनोबल बढाउने काम आफ्नो अन्तरिम सरकारले गरेको बताएकी छिन् । उनले मुख्य सचिव नियुक्तिमा ज्येष्ठतालाई ध्यान दिइएको उल्लेख गरेकी छिन् । यस्तै प्रहरी संगठनमा समेत जेष्ठताकै आधारमा आइजीपि नियुक्ति गरिएको बताएकी छिन् । प्रहरी संगठनको प्रमुखमा आइजीपि दानबहादुर कार्कीलाई नियुक्ति दिँदा कतिपयले सुशीला कार्कीले दानबहादुर कार्कीलाई प्रहरी प्रमुखमा नियुक्त गरेको भनेर टिप्पणी गरिएको भए पनि उहाँसँग नाताका कार्की होइन, गोत्र पनि नमिल्ने जबाफ दिएकी छिन् ।

यस्तै उनले आफ्नो कार्यकालमा ४०–४५ थान भ्रष्टाचारका मुद्दा यही सरकार आएपछि दर्ता गरेको उल्लेख गरेकी छिन् । उनले जेन–जीले राखेका सुशासन कायम, भ्रष्टाचार नियन्त्रण र रोजगारीको व्यवस्थाको माग राखेको स्मरण गर्दै खुलेआम भ्रष्टाचार रोक्नुपर्ने बताएकी छिन् । यस्तै, विश्वविद्यालयजस्ता प्राज्ञिक थलोहरूका नियुक्तिमा हस्तक्षेप नगरेको बताएकी छिन् । १९ वटा विश्वविद्यालयका सभामा हुने नियुक्ति र मनोनयनमा हाम्रा मान्छे भनेर सूची नदिएको, अख्तियार दुरुपयोग अनुसन्धान आयोग, नेपाल प्रहरी, सिआइबीलगायत संस्थाले अभूतपूर्व व्यावसायिक स्वतन्त्रताका साथ काम गरेको, सम्पत्ति शुद्धीकरण विभाग, राजस्व अनुसन्धान विभागजस्ता संस्थालाई प्रधानमन्त्रीको मातहतबाट सम्बन्धित मन्त्रालयमा पठाइदिएँको उल्लेख गरेकी छिन् ।