रसुवा — प्रतिनिधिसभा सदस्य निर्वाचनअन्तर्गत रसुवा जिल्लामा जारी मतगणनामा नेपाली कांग्रेसका उम्मेदवार इन्जिनियर मोहन आचार्यले फराकिलो अग्रता बनाएका छन्।
बिज्ञापन
हालसम्म १४ हजार ७ सय ७५ मत गणना हुँदा आचार्यले ६ हजार १ सय ६० मत प्राप्त गरेका छन्। उनका निकटतम प्रतिद्वन्द्वी राष्ट्रिय स्वतन्त्र पार्टीका बसन्त भट्टले ३ हजार ४ सय ३ मत पाएका छन्।
यसैगरी नेकपा (एमाले)का उम्मेदवार प्रेमबहादुर तामाङले २ हजार ८ सय २४ मत प्राप्त गरेका छन्। उज्यालो नेपालका उम्मेदवार मानबहादुर तामाङले ७ सय ९० मत प्राप्त गर्दा नेपाल कम्युनिस्ट पार्टीका उम्मेदवार माधवप्रसाद लामिछानेले ६ सय ३ मत प्राप्त गरेका छन्।
बिज्ञापन
मतगणनाको हालसम्मको परिणामअनुसार ७ सय ११ मत बदर भएको छ।मतगणना जारी रहेको मुख्य निर्वाचन अधिकृतको कार्यालयले जनाएको छ।
बिज्ञापन
