मतदानमा खटिएका ५ राष्ट्र सेवकहरुले ज्यान गुमाइसकेका छन् ।यसरी ज्यान गुमाउनेमा शिक्षक,निजामती कर्मचारीदेखि प्रहरीदेखि निर्वाचन प्रहरीसम्म रहेका छन् ।
बिज्ञापन
हिजोमात्र रामेछापमा मतदान अधिकृत र सुरक्षाकर्मी सवार गाडी दुर्घटना हुँदा नेपाल प्रहरीका सहायक निरीक्षक पर्शुराम यादव र ५७ वर्षीय डोर प्रसाद घिमिरेले ज्यान गुमाउनु परेको छ । रामेछाप–२ साधुटार मतदान केन्द्रमा खटिएका सप्तरीको रुपनी गाउँपालिका–१ नकटी रायपुरका ४५ वर्षीय सहायक प्रहरी निरीक्षक (असई) परशुराम यादव जिम्मेवारी बहनकै क्रममा ज्यान गुमाएका छन् । सप्तरीको रुपनी गाउँपालिका–१ नकटी रायपुर निवासी यादव जिम्मेवारी बहनकै क्रममा ज्यान गुमाएका हुन । यस्तै मतदान अधिकृत बनेर देशको सेवामा खटिएका शिक्षक डोर प्रसाद घिमिरे निर्वाचनको जिम्मेवारी बहनकै क्रममा ज्यान गुमाएका छन् । मन्थलीका शिक्षक घिमिरे मतदान अधिकृतको रुपमा जिम्मेवारी पूरा गर्न उनी मतदान केन्द्र तर्फ जाँदै गर्दा बाटैमा अस्थाएका छन् । मतदान केन्द्र कालिका देवी माध्यमिक विद्यालय र देउराली माध्यमिक विद्यालयको निर्वाचन सामाग्रीसहित कर्मचारी लिएर जाँदै गरेको ना ७ ख ६७६८ नम्बरको गाडीमा उनी मन्थलीबाट चढेका थिए। तर रामेछाप नगरपालिका–२ स्थित सिरुबारीमा सो गाडी भिरबाट खस्दा उनले ज्यान गुमाएका छन् ।
बिज्ञापन
यस्तै, सर्लाहीमा खटिएका मतदान अधिकृतले ज्यान गुमाइसकेका छन् । रौतहटको माधवनारायण नगरपालिका-६ घर भएका ४२ वर्षीय रघुनाथ महतोको मृत्यु भएको हो । वरिष्ठ अहेब महतो पर्सा गाउँपालिका ४ स्थित जिगडवा आधारभूत विद्यालयको मतदान केन्द्रमा मतदान अधिकृतको रुपमा खटिएका थिए । बिहान अचानक बेहोस भएर ढलेका उनलाई मलंगवास्थित प्रादेशिक अस्पताल लगिएकोमा उपचारको क्रममा प्राण त्यागेका हुन् ।
उता,मुस्ताङमा मोटरसाइकल दुर्घटना हुँदा निर्वाचनमा खटिएका कर्मचारीले समेत कर्तव्य पालयनकै सिलसिलामा ज्यान गुमाएका छन् । मुस्ताङ भन्सार कार्यालयका कर्मचारी ३२ वर्षीय सुनिल घतानेको थासाङ गाउँपालिका–२, खन्तीमा ग ७ प १४८६ नम्बरको मोटरसाइकल दुर्घटना हुँदा मृत्यु भएको हो । आइतबार राति ८ बजे दुर्घटनामा परेर गम्भीर भएका घतानेको उपचारका लागि प्रदेश अस्पताल मुस्ताङ ल्याउँदा मृत्यु भएको जिल्ला प्रहरी कार्यालय मुस्ताङका प्रमुख प्रहरी नायव उपरीक्षक छिरिङकिप्पा लामाले जनाएकी छिन् । प्रदेश अस्पताल मुस्ताङका प्रमुख डा समीक्षा कँडेलका अनुसार, दुर्घटना भएको भन्दै लिएर आएका व्यक्तिको अस्पताल आइपुग्दा मृत्यु भइसकेको थियो । कोबाङको खन्ती बजारमा भएको मोटरसाइकल दुर्घटनामा परेर घाइते भएकालाई उपचारका लागि प्रदेश अस्पताल मुस्ताङ पुर्याइएको थियो । अस्पताल पुर्याउँदा डाक्टरले मृत घोषणा गरेका हुन् ।
बिज्ञापन
घताने फागुन २१ गते हुने प्रतिनिधिसभा निर्वाचनमा बारागुङ मुक्तिक्षेत्र गाउँपालिका–२ को झोङमा निर्वाचनका लागि खटिएका थिए । जनप्रिय आधारभूत विद्यालय झोङ मतदान केन्द्रमा खटिएका कर्मचारीको मृत्यु भएपछि मुख्य निर्वाचन अधिकृतको कार्यालयले उनको सट्टामा अर्को कर्मचारी खटाएको जनाएको छ । यस्तै, निर्वाचन प्रहरी मान सि राणा कञ्चनपुर जिल्लामा निर्वाचनमा खटिई ड्युटीमा खाना पकाउँदै गर्दा बेहोस भई अस्पतालमा उपचाररत रहँदा निधन भएको घटनाप्रति एकीकृत सरकारी कर्मचारी संगठन नेपालले गहिरो दुख व्यक्त गरेको छ ।
