सरकारले विसं २०८३ सालमा दिइने सार्वजनिक बिदा निर्धारण गर्ने निर्णय गरेको छ ।
बिज्ञापन
मंगलबार बसेको मन्त्रिपरिषद् बैठकले ०८३ साल वैशाख १ गतेदेखि चैत मसान्तसम्म दिइने सार्वजनिक बिदा निर्धारण गर्ने निर्णय गरेको छ ।
बिज्ञापन
यद्यपि सार्वजनिक बिदाका दिनहरू निर्धारण भने भइसकेको छैन । यता, नेपाल पञ्चांग निर्णायक समितिले आगामी २५ वटा नयाँ चाडपर्व समावेश गरेको छ ।
जस अनुसार, वैशाख २ गते ललितकला दिवस,भाद्र ३ गते राष्ट्रिय सूचना दिवस, भाद्र २० गते बाबा गणीनाथ पूजनोत्सव,असोज ९ गते अनन्त चर्तुदशीका दिन कपल्लेकी जात्रा, कात्तिक २ गते जनबहाः कुछि भ्वय्, कात्तिक ६ गते तागा सेलाउने र कात्तिक २३ गते धुकु लक्ष्मी द्योः पूजा समावेश भएका छन् । मंसिर ७ गते वैकुण्ठ चर्तुदशी र गण्डकी परिक्रमा महोत्सव, मार्गशुक्ल पूर्णिमामा नानी भैली कर्णाली र मंसिर २८ गते हस्तकला दिवस थपिएका छन्। पौष कृष्ण पञ्चमीमा महांकालेश्वरी जात्रा थाक्रे, पुस मसान्तमा उरूका, पुस शुक्ल प्रतिपदामा कर्णालीमा ठूली भैली सुरु (पाँच दिनसम्म), पौष शुक्ल द्वितीयामा चेल्यातिहार कर्णाली र पौष शुक्ल पञ्चमीमा कर्णालीमा ठूली भैली समाप्ती गर्ने पर्व थपिएका छन्। माघे संक्रान्तिमा भोगाली बिहु, माघशुक्ल द्वादशीमा चैतलो, फागुन ४ गते सल्य दशमीको दिन विश्वनाथ मन्दिरमा मेला (पूजा हटाउने) थपिएका छन्।
बिज्ञापन
यस्तै, फागुन पूर्णिमामा तोन्पा जयन्ती, चैत्र १२ मा बारुवा (मार्सी धानको बिउ राख्ने), चैत्र २० गते विक्षेति र चैत्रशुक्ल त्रयोदशीमा चैतेली पर्व राखिएका छन्।
