बिज्ञापन

बिज्ञापन

पुनर्गठनबाट फुर्पा दिण्डुप थोक्रा (सुरेश) अध्यक्षमा चयन हुनुभएको छ।थोक्रा रसुवाको एक चर्चित युवा नेताको रूपमा स्थापित छन् ।  यस्तै उपाध्यक्षमा सन्तोष गुरुङ, सचिवमा सौरभ घिमिरे, सह–सचिवमा निमा साङबो तामाङ र बुद्धिमान तामाङ चयन भएका छन्। कोषाध्यक्षमा सूर्य बहादुर थोक्रा, तथा युथफोर्स विभाग प्रमुखमा हर्क तामाङ चयन गरिएको जनाइएको छ।

नवगठित कमिटीलाई बधाई दिँदै कार्यक्रममा वक्ताहरूले युवा संगठनलाई अझ सशक्त, अनुशासित र जनमुखी बनाउँदै जिल्लामा युवा आन्दोलनलाई नयाँ उचाइमा पुर्‍याउन आग्रह गरेका थिए।

साथै, राष्ट्रिय युवासंघ नेपालको सातौँ जिल्ला अधिवेशनबाट निर्वाचित अध्यक्ष कुमार नगरकोटी नेतृत्वको पूर्व कार्यसमितिले रसुवाको युवा आन्दोलनलाई सशक्त बनाउन खेलेको भूमिकाको प्रशंसा गर्दै धन्यवाद व्यक्त गरिएको छ।

नवगठित कमिटीले संगठन सुदृढीकरण, सदस्यता विस्तार र युवाहरूको राजनीतिक, सामाजिक तथा रचनात्मक परिचालनलाई प्राथमिकतामा राख्दै अगाडि बढ्ने प्रतिबद्धता जनाएको छ।