भक्तपुरको नलिञ्चोक हेलिपोर्ट निर्माण प्रकरणमा भ्रष्टाचारको अभियोग खेपिरहेका नेपाल नागरिक उड्डयन प्राधिकरण (क्यान) का तत्कालीन महानिर्देशक प्रदीप अधिकारी थुनामै रहने भएका छन्। सर्वोच्च अदालतले अधिकारीको थुनामुक्ति माग अस्वीकार गर्दै विशेष अदालतको आदेशलाई सदर गरेको हो।
बिज्ञापन
शुक्रबार न्यायाधीशहरू हरिप्रसाद फुयाल र शान्तिसिंह थापाको संयुक्त इजलासले पुर्पक्षका लागि थुनामै राख्ने विशेष अदालतको निर्णयलाई कायम राख्ने फैसला सुनाएको हो। यससँगै अधिकारीले थुनाबाहिर बसेर मुद्दा लड्ने प्रयास असफल भएको छ।
बिज्ञापन
नलिञ्चोक हेलिपोर्ट निर्माणमा अनियमितता भएको ठहर गर्दै विशेष अदालतले मंसिर २१ गते अधिकारीलाई थुनामा पठाउने आदेश दिएको थियो। उक्त आदेशविरुद्ध उनी सर्वोच्च अदालत पुगेका थिए।
अख्तियार दुरुपयोग अनुसन्धान आयोगले अधिकारीसहित ६ जना व्यक्ति र एउटा कम्पनीविरुद्ध १३ करोड ५७ लाख ४६ हजार २१३ रुपैयाँ बराबरको बिगो दाबी गर्दै भ्रष्टाचार मुद्दा दायर गरेको छ। मुद्दा हाल विशेष अदालतमा विचाराधीन छ।
बिज्ञापन
