बिहीबार नेपाल दूरसञ्चार कम्पनी लिमिटेड (नेपाल टेलिकम)ले मन्त्री,सचिव लगायतका विशिष्ठ व्यक्तित्वहरुको उपस्थितिमा आफ्नो २२ औं वार्षिकोत्सव कार्यक्रममा मनाइरहँदा त्यहाँका कर्मचारीहरुले मौन विरोध प्रदर्शन गरेका छन् । बिहीवार टेलिकमले गृह मन्त्री ओमप्रकाश अर्याल,सञ्चार सचिव लक्ष्मी बस्नेत लगायतका उच्च पदस्थहरुलाई मञ्चमा राखेर आफ्नो बार्षिकोत्सव कार्याक्रम मनाइरहँदा टेलिकमका तीनवटा कर्मचारी सङ्गठनहरूले विरोध प्रदर्शन गरेका हुन् ।
बिज्ञापन
नेपाल दूरसञ्चार राष्ट्रिय कर्मचारी संगठन, नेपाल टेलिकम वर्कर्स युनियन र नेपाल राष्ट्रिय कर्मचारी संगठन नेपाल टेलिकमले संयुक्त रुपमा ‘हामी अन्यायमा छौँ, न्यायका लागि हाम्रो आवाज’ लेखिएको व्यानरसहित विरोध जनाएका हुन् ।नेपाल टेलिकमको बार्षिकोत्सव नै खल्लो बन्न पुगेको हो । कर्मचारीहरू हातमा प्लेकार्डसहित उपस्थित थिए । उनीहरुले हामी अन्यायमा छौं, न्याय गरियोस्तm‘प्रमुख आयोजनाका प्राविधिक अडिट गरियोस लेखेको प्ले कार्ड बोकेका थिए । यस्तै उनीहरुले आवधिक बढुवा गरियोस्, कर्मचारी विनियमावलीको संशोधन गरियोस्, सेवा सुविधा हाम्रो अधिकार हो लगायतका नारा लेखेका प्लेकार्ड बोकेका थिए । कर्मचारी विनियमावली २०७८ जारी भएपछि कर्मचारीहरूको वृत्तिविकास, अधिकार तथा सुविधामा सङ्कुचन आएको कर्मचारीहरुको दावी छ । उनीहरुको अनुसार दरबन्दी पुनर्संरचनापछि ४,३३४ कर्मचारी कार्यरत अवस्थामा ३,००९ दरबन्दी कायम गरिएको छ । जहाँ एउटै तहमा ८ देखि १० वर्षसम्म कार्यरत कर्मचारीहरूको संख्या बढ्दै गएको र बढुवाको अनिश्चितताले असन्तुष्टि तथा दक्ष जनशक्ति पलायन बढिरहेको उल्लेख गरिएको छ । त्यसैले आवधिक विशेष बढुवा प्रणाली लागू गर्न माग गरिएको छ ।
बिज्ञापन
विनियमावली संशोधन नभएका कारण कर्मचारीहरू १३/ १४ वर्षदेखि एउटै पदमा बसिरहनुपरेको कर्मचारीहरूको गुनासो छ । कर्मचारी विनियमावली २००८ पछि वृत्तिविकास अवरुद्ध भएको भन्दै अधिकृत तहमा बढुवा रोकिँदा संरचनागत असन्तुलन सिर्जना भएको युनियनहरूको दाबी छ । साधारणसभाबाट स्वीकृत बोनस तथा नेपाल सरकारको निर्णयअनुसारको महँगी भत्ता वितरण रोकिएकोप्रति पनि युनियनहरूले आपत्ति जनाएका छन् ।
