बिज्ञापन

बिज्ञापन

साँचै,
झुटले सम्बन्धलाई जस्तै
विश्वासलाई पनि मार्दोरहेछ

सम्बन्धमा चिसोपन एकैचोटि आउँदैन प्रीय
यो बिस्तारै आउँछ
बात छोटिन्छन्,
प्रेमिलताको लय ढिलो हुन्छ,
आँखा जुध्न छाड्छन्,
सामीप्यता घट्न थाल्छ,
र मनभित्र अनेकौँ प्रश्नहरू
जम्मा हुँदै जान्छन्
सम्बन्ध बचाउन ठूलो वाचा चाहिँदैन,
साँचोपन चाहिन्छ
जहाँ सत्य हुन्छ,
त्यहाँ गल्ती माफ हुन्छ

तर जहाँ छल हुन्छ,
त्यहाँ प्रेम पनि पीडा बनिदिन्छ।
बिस्तारै,
छलले ल्याएको चिसोपनले
सम्बन्धलाई मौन बनाइदिन्छ
म यस्तै भएको छु अचेल,
तिम्रो यादको दौरानमा
कतै अल्झिएको छु

• रसुवा