भूमि व्यवस्था सहकारी तथा गरिबी निवारणमन्त्री कुमार इङ्नामले मालपोत कार्यालयको सरुवाका लागि बिचौलियाको काम गर्ने व्यक्तिको पहिचान भएको जनाएका छन् । उनले त्यस्ता पात्रको पहिचान भएको जनाउँदै उनको सरुवा गरेर दुर्गममा पठाउन निर्देशन समेत दिइसकेको मन्त्री इङ्नामले जनाएका छन् ।
पछिल्लो समय मालपोत कार्यालयमा सेटिङमा सरुवा हुने गरेको भन्ने व्यापक गुनासो आइरहेको सम्बन्धमा त्यस्तो विचौलियाको पहिचान भएको मन्त्री इङ्नामले संकेत गरेका छन् ।

बिज्ञापन

मन्त्रालयका अनुसार लामो समयदेखि विभागमा कार्यरत रहेका ती अधिकृतस्तरका कर्मचारीले नै मालपोतको कर्मचारी सरुवामा विचौलियाको रुपमा काम गरिरहेको खुलासा  भएको छ । अघिल्लो बर्ष करिब पाँच सय कर्मचारी सरुवा गर्दा बोल कबोलका आधारमा सरुवा भएको छानबिन समितिले खुलासा गरेको थियो । हाल प्रमुख जिल्ला अधिकारीको भूमिकामा रहेका मन्त्रालयको तत्कालीन प्रशासन महाशाखा प्रमुख मदन कोइरालाको संयोजकत्वमा सोही महाशाखाका उपसचिव कृष्णप्रसाद भण्डारी र कानुन अधिकृत गोकुल भुजेल सदस्य रहेको समितिले आर्थिक चलखेलका आधारमा कर्मचारी सरुवा गरिएको निष्कर्ष निकालेको थियो । एक लटमा कर्मचारी सरुवा गर्दामात्र झण्डै सात करोडको खेलोमेलो भएको थियो । यो धन्दा अझैं पनि विद्यमान छ । यो धन्दामा सक्रिय भूमिकामा विभागकै एक जना अधिकृत रहेको मन्त्रालयले निष्कर्ष निकालेको छ ।