न्याय सेवा आयोगले १६ जना उपसचिवस्तरका कर्मचारीहरुलाई सहसचिव तहमा बढुवा सिफारिस गरेको छ । समितिको आज बसेको बैठकले कार्यसम्पादन मूल्यांकन र कार्यक्षमता मुल्यांकनका आधारमा आठ आठ गरी १६ उपसचिवस्तरका कर्मचारीहरुलाई सहसचिव तहमा बढुवा सिफारिस गरेको हो ।
बिज्ञापन
आयोगको आज बसेको बैठकले नेपाल न्याय सेवा,न्याय समूहबाट १ जना,न्याय सेवा,कानुन समूहबाट ३,नेपाल न्याय सेवा,सरकारी वकिल समूहबाट ४ कर्मचारीहरुलाई कार्यसम्पादन तथा जेष्ठताका आधारमा बढुवा सिफारिस गरेको छ ।
बिज्ञापन
यस्तै समितिको कार्यक्षमता मूंल्याकनका आधारमा नेपाल न्याय सेवा न्याय समूहबाट २,न्याय सेवा,कानुन समूहबाट २ जना र सरकारी वकिलतर्फबाट ४ गरी १६ जना उपसचिवस्तरका कर्मचारीहरु सहसचिव तहमा बढुवा सिफारिस भएका हुन ।
आयोगका अनुसार बढुवा सिफारिस भएका कर्मचारीहरुमा क्रमश मुना अधिकारी ढकाल,तेजप्रकाश जोशी,रेशमराज सिग्देल,लोकहरि बस्याल,गोविन्द उपाध्याय,लक्ष्मीनारायण दाहाल,उर्मिला दाहाल,यादवप्रसाद पौडेल सहित आठ जना कार्यसम्पादन मूल्यांकनका आधारमा बढुवा सिफारिस भएका हुन ।
बिज्ञापन
यस्तै कार्यक्षमता मुल्यांकनका आधारमा बढुवा सिफारिस भएका कर्मचारीहरुमा जनकसिंह बोहरा,इन्द्रबहादुर कार्की,निधिराज न्यौपाने,झइन्द्रप्रसाद गुरागाई,सुदिपकुमार दंगाल,ऋृषिनाथ निरौला,सन्तोष शर्मा र गोपाल लामिछाने रहेका छन् ।
