गृह मन्त्रालयले तीन जना उपसचिवको सरुवा गरेको छ। मन्त्रालयले बाजुराका प्रमुख जिल्ला अधिकारी गणेशप्रसाद पौडेललाई पर्वत जिल्लाको सहायक प्रमुख जिल्ला अधिकारी बनाएर खटाएको छ । यता बाजुरामा भने जिल्ला प्रशासन कार्यालय झापाका सहायक प्रमुख जिल्ला अधिकारी डोरेन्द्र निरौलालाई खटाएको छ । बाजुरामा उपसचिव प्रमुख जिल्ला अधिकारी हुन्छन् ।
बिज्ञापन
यस्तै,बाजुराबाट तानिएका पौडेललाई पर्वत जिल्ला प्रशासन कार्यालयमा सहायक प्रमुख जिल्ला अधिकारीका रूपमा पठाइएको छ। गृहले संघीय मामिला तथा सामान्य प्रशासन मन्त्रालयबाट सरुवा भएर आएका उपसचिव पवन कोइरालालाई मोरङको सहायक प्रमुख जिल्ला अधिकारीमा सरुवा गरिएको गृह मन्त्रालयका कर्मचारी प्रशासन महाशाखा प्रमुख काली प्रसाद पराजुलीले कर्मचारी प्रेसलाई बताएका छन् ।
बिज्ञापन
