गृह मन्त्रालयले २१ जना शाखा अधिकृतहरुको सरुवा गरेको छ । मन्त्रालयले अतिरिक्त समूहका रहेका कर्मचारीहरुलाई सरुवा गरेको छ । प्रधानमन्त्री तथा मन्त्रिपरिषद्को कार्यालयले जिम्मेवारविहिन रहेका कर्मचारीहरुलाई तीन दिनभित्र जिम्मेवारी दिन परिपत्र गरेसँगै मन्त्रालयले शाखा अधिकृतहरुको सरुवा गरेको भए पनि दर्जनौं उपसचिव,सहसचिवहरुलाई अझैं जिम्मेवारी दिन सकेको छैन ।
बिज्ञापन
गृहले सार्वजनिक गरेको सरुवा सूची अनुसार,अर्जुनजंग शाहलाई कारागार व्यवस्थापन,मनोहर थापालाई जिल्ला प्रशासन कार्यालय,कपिलवस्तुको प्रशासकीय अधिकृतको जिम्मेवारी दिएर खटाइएको छ । यस्तै,बेनि बहादुर मोक्तानलाई कारागार कार्यालय लमजुङको जेलरको जिम्मेवारी दिइएको छ । दिपेश रिजाललाई पाँचथर जिल्ला प्रशासन कार्यालयको प्रशासकीय अधिकृतको रुपमा खटाइएको छ ।
बिज्ञापन
सरुवा सूची अनुसार,दिनेश के एमलाई कारागार व्यवस्थापन कार्यालय,राजबहादुर विष्टलाई जिप्रका बर्दियाको प्रशासकीय अधिकृतको जिम्मेवारी दिएको छ,गृह प्रशासनले । भरतकुमार दासलाई जिप्रका पर्साको प्रशासकीय अधिकृत,दिनेश खनाल कारागार व्यवस्थापन कार्यालयमा खटाइएको छ । त्यहाँ तिर्थराज कटेल,काशीप्रसाद पंगेनी,गम्भीर सिंह विष्ट,मानबहादुर सारु र सरस्वती अधिकारी खनाललाई समेत सोही कार्यालयमा खटाइएको छ ।
यस्तै,श्यामबहादुर राउतलाई इलाका प्रशासन कार्यालय चन्द्रनिगाहपुर,रौतहटमा पठाइएको छ । शितल बहादुर रावललाई जिप्रका बाजुरा पठाइएको छ । चन्द्रकान्त भण्डारीलाई गुल्मी जिल्लाको प्रशासकीय अधिकृत,सागर गौतमलाई झापा जिल्लाको प्रशासकीय अधिकृतको जिम्मेवारी पाएका छन् ।
यस्तै सुजितकुमार कर्ण इलाका प्रशासन लाहान पुगेका छन । महेन्द्र सिंह रावल जिप्रका कञ्चनपुरको प्रशासकीय अधिकृतको जिम्मेवारी पाउँदा विष्णु सहनी इलाका प्रशासन वारा पठाइएको छ ।
बिज्ञापन
