सरकारले ६ जना सचिवहरुको सरुवा गरेको छ । रिक्त हुन पुगेको संष्कृति पर्यटन तथा नागरिक उड्डयन मन्त्रालयमा सचिव खटाउँदा अन्य पाँच सचिवहरु हेर फेर गरिएको हो ।
गणेश पाण्डे अवकाशमा गएसँगै रिक्त रहेको संष्कृति पर्यटन तथा नागरिक उड्डयन मन्त्रालयमा स्वास्थ्य तथा जनसंख्याबाट हरिप्रसाद मैनालीलाई ल्याइएको छ । पर्यटनमा आउनका लागि सार्वजनिक खरिद अनुगमनमा कार्यरत मुकुन्द निरौलाको निकै जोडबल थियो तर बाजी मैनालीले मारेका छन् ।
बिज्ञापन
स्वास्थ्यमा भने बागमती प्रदेशका प्रमुख सचिव महादेव पन्थलाई ल्याइएको छ ।
बिज्ञापन
शिक्षाका डा दीपक काफ्लेलाई उपराष्ट्रपतिको कार्यालयमा थन्काएर त्यहाँ लोकनाथ पौड्याललाई ल्याइएको छ । रक्षा मन्त्रालय हुँदै राष्ट्रिय प्राकृतिक स्रोत तथा वित्त आयोगका पुगेका किरणराज शर्माको लोकसेवा आयोगमा पुग्दा लोकसेवाबाट डिल्लीराम शर्मा वित्त आयोग पुगेका छन्।
यस्तै हिजोको मन्त्रिपरिषद्को बैठकले बरिष्ठ सहसचिव भुपाल बराल र प्राविधिकतर्फ दिनानाथ मिश्र सचिवमा बढुवा गरेको छ ।
बिज्ञापन
जल तथा ऊर्जा आयोगको सचिवालयका सचिव मधु भेटवालले अवकाश पाएपछि रिक्त रहेको सचिव पदमा सरकारले मिश्रलाई बढुवा गरेको छ ।
यता हिजोको क्याविनेटले बागमती प्रदेशको प्रमुख सचिवमा भूपाल बराल र गण्डकी प्रदेशको प्रमुख सचिवमा शोभाकान्त पौडेललाई पदस्थापन गरेको छ ।
