नेपाल निजामती कर्मचारी युनियनको आगामी माघसम्म कार्यवहाक अध्यक्षकै भरमा चल्ने भएको छ ।
बिज्ञापन
यस अघि नवौं महाधिवेशन ०८२ वैशाख ४ र ५ गते काठमाडौंमा गर्नेगरी मिति तय भएकोमा ९ महिना पछाडि धकेलिएको हो । यो सँगै वरिष्ठ उपाध्यक्ष उत्तम कटुवालले थप थप ८ महिना कावा चलाउने भएका हुन । अध्यक्ष गोपाल पोखरेल अघिल्लो महिनामात्र अवकाश लागेर घर फर्किएसँगै काँग्रेसका अन्य भातृ संगठनझैं कर्मचारी युनियन पनि कार्यबहाकको भरमा चल्ने स्थितिमा पुगेको हो ।
बिज्ञापन
संघका महासचिव जनकबहादुर रावलले मंगलबार संशोधित महाधिवेशनको कार्यतालिका सार्वजनिक गर्दै महाधिवेशन आगामी माघ ५, ६ र ७ गते हुने जनाएका छन् ।
रावलका अनुसार,महाधिवेशनलाई लक्षितगरी जेठ १० गतेदेखि असोज मसान्तसम्म सदस्यता वितरण तथा नविकरण प्राथमिक कार्यसमिति गठन र स्थानीय कार्यसमितिको अधिवेशन गरिनेछ ।
बिज्ञापन
त्यसैगरी, आगामी कात्तिक मसान्तभित्र जिल्ला र प्रदेश विभागीय कार्यसमितिको विभागीय अधिवेशन सम्पन्न गर्ने, मंसिरमा विभागीय समन्वय प्रदेश अधिवेशनको आयोजना गर्ने जानकारी दिइएको छ । सबै जिल्ला र प्रदेश विभागीय समितिलाई असोजभित्र र केही कारणबस् बाँकी रहने समितिलाई अधिवेशन सकाएको एक साताभित्र विवरण पठाउन निर्देशन दिइएको छ ।
‘अधिवेशन सम्पन्न भई विवरण पठाउन बाँकी रहेका जिल्ला विभागीय–प्रदेश विभागीय कार्यसमितिले २०८२ आषाढ मसान्तभित्र र अधिवेशन सम्पन्न हुन बाँकी जिल्ला विभागीय–प्रदेश विभागीय कार्यसमितिले अधिवेशन सम्पन्न भएको एक हप्ताभित्र कागजात पठाउन भनिएको छ ।
क्रियाशील सदस्यताको सक्कल फाराम र साधारण सदस्यताको अर्धकट्टी, सदस्यता शुल्क जम्मा गरेको भौचरको छायाँप्रति, अधिवेशन उद्घाटन तथा बन्द सत्रमा उपस्थितहरुको विवरणलगायतका कागजात पठाउन भनिएको छ ।
नेपाली काँग्रेसका १३ वटा भातृ संगठन तदर्थ समिति बनाएर चलेका छन् । समयमा महाधिवेशन गर्न नसकेपछि नेपाल महिला संघ, नेपाल तरुण दल,नेपाल विद्यार्थी संघ लगायतका दर्जन भातृ संगठनहरु तदर्थ समिति बनाएर चलिरहेको छ ।तिनै भातृ तथा शुभेच्छुक संघका भीडमा नेपाल निजामती कर्मचारी युनियन पनि थपिएको हो । गत महिना सम्पन्न गर्नुपर्ने महाधिवेशन झण्डै नौं महिना पछाडि सारिएको छ ।
