बिज्ञापन

बिज्ञापन

अवधि सकिनु अगावै स्वदेश फर्किएका भारत, अमेरिका, बेलायत, साउदी अरब, दक्षिण कोरिया, मलेसिया, स्पेन, डेनमार्क, इजरायल, कतार, चीन, रसिया र श्रीलङ्कासमेत १३ देशका राजदूत स्वदेश फर्किँदा उक्त रकम खर्च भएको जनाइएको छ ।

१३ देशका राजदूत स्वदेश फर्किँदा बिमा बापत रु। १ करोड १३ लाख ९६ हजार, हवाई टिकट बापत रु १ करोड २४ लाख ४३ हजार र ढुवानीबापत रु. ४८ लाख ३० हजारसमेत रु।२ करोड ८६ लाख ६९ हजार खर्च भएको बिषयलाई महालेखाले स्वभाविक मानेको छैन ।

महालेखाले परराष्ट्र मन्त्रालय अन्तर्गतका ४४ सरकारी कार्यालयको रु २औ अर्ब ४२ करोड ९९ लाखको लेखापरीक्षण सम्पन्न गर्दा १ अर्ब ५ करोडभन्दा बढीको बेरुजु देखिएको जनाएको छ । परराष्ट्र मन्त्रालय अन्तर्गत विभिन्न देशमा रहेका ४० वटा नियोगमा एक वर्षमा सवारीसाधन मर्मत तथा इन्धनमा साढे १० करोडभन्दा बढी खर्च भएको लेखेको छ ।

४० नियोगमा जम्मा १८८ चारपाङ्ग्रे सवारीसाधन रहेको उल्लेख छ । ती नियोगहरूमा यो वर्ष सवारीसाधन मर्मतअन्तर्गत एउटै नियोगमा रु १ लाखदेखि रु ३६ लाखसम्म मर्मत सम्भार खर्च भई कुल रु ५ करोड ३२ लाख ५६ हजार खर्च भएको महालेखाले जनाएको छ ।

त्यसै गरी ४० नियोगमा इन्धनमा रु ५ करोड ३३ लाख खर्च भएको महालेखाको प्रतिवेदनमा उल्लेख छ ।