बिज्ञापन

बिज्ञापन

संघीय निजामती सेवा विधेयकमा राजपत्र अनंकित श्रेणी अन्तर्गत सबै सेवा र समूहका कर्मचारीहरुको वृत्ति विकास, पेशागत हक हित र सेवाको सुरक्षा लगायतका आफ्ना मागहरु समावेश गराउनका लागी राजपत्र अनंकित संरक्षण अभियान केन्द्रिय समितिले राखेका मागहरुलाई पूर्ण रुपमा समर्थन गर्दै सुर्खेत जिल्लामा कार्यरत राजपत्र अनंकित कर्मचारीहरुको केसीको संयोजकत्वमा १३३ सदस्यीय तर्दथ जिल्ला कार्यसमिति ठगन गरेको हो । जसको सह संयोजकमा जीवन रुपाखेती,नरबहादुर थापा,दुर्गा कुमारी उपाध्याय,भानुभक्त रिजाल,तिलक सोमै,उमाकान्त कंडेल तोकिएका छन् ।

यस्तै सचिवालय सचिवको जिम्मेवारी पुराण प्रसाद रिजाल,सूर्यबहादुर खड्‌कालाई तोकिएको छ भने केन्द्रीय समन्वयकर्ता डम्बर बहादुर विष्ट,मेघनाथ शाही,वासुदेव गौतम रहेका छन् । सचिवालय सदस्यमा किशोर पाण्डे,गणेश पौडेल, कुमार ज्ञवाली,राज कुमार सिंह,पूर्ण प्रसाद पाण्डे,क्षेत्र बहादुर जिसी,पदमबहादुर रावत्तलाई तोकिएको छ ।

१५ हजार सदस्य रहेको राजपत्र अनंकित संरक्षण अभियानको फेसबुक पेजबाट आन्दोलन परिचालन गर्दै आएकोमा अब जिल्ला कमिटीहरू गठन गर्दै आन्दोलनलाई अझ शसक्त बनाउन अभियान अघि बढेको छ। ७७ वटै जिल्लामा समिति गठन गरि यस अभियानलाई मजबुत बनाइ आफ्ना मागहरू संघीय निजामती सेवा ऐनमा समावेश गराउन अभियान क्रियाशिल रहेको अभियानका सह संयोजक सुरज निरौलाले जनाउनुभएको छ ।

अभियानका अहिलेसम्म ११ भन्दा बढी जिल्लामा कार्यसमिति गठन भइसकेको बताइएको छ ।