बैतडीकी २२ वर्षीया हिमश्वेता भट्ट पहिलो प्रयासमै अधिकृत सातौं तहमा उत्तीर्ण भएकी छन् । बैतडीको दशरथचन्द नगरपालिका-५ स्थायी घर भएकी भट्टले बागमती प्रदेश लोकसेवा आयोगले लिएको कृषि अधिकृत सातौं तहको परीक्षा पास गरेकी हुन् ।
बिज्ञापन
दशरथ चन्द नगरपालिका–५, नौहाट घरभएकी हिमश्वेता विसं २०५८ फागुन १६ गते बुवा थिरेन्द्रचन्द्र भट्ट र आमा गीता भट्टको कोखबाट उनको जन्म भएको हो । भट्टले सानैदेखि महेन्द्रनगरमा मामाघरमा बसेर अध्ययन गरेकी हुन् । उनका बुबा थिरेन्द्र कञ्चनपुरकै बेदकोट नगरपालिकामा निमावि तहका शिक्षक हुन् । आमा गीतादेवी निजी विद्यालयमा पढाउँछिन् । सानैदेखि पढाइमा अब्बल उनी त्रिभुवन विश्वविद्यालयमा कृषि संकायमै स्नातकोत्तर दोस्रो सेमेस्टरमा अध्ययनरत छिन् ।
बिज्ञापन
हमास समूहले इजरायलमा आक्रमण गर्दा सँगै गएका साथीभाइको मृत्यु भएपछि घर फर्किन बाध्य भएकी हिमश्वेताले उक्त त्रासबाट मुक्त भएर लोक सेवामा नाम निकालिन । उनी भन्छिन्, “उच्च शिक्षा अध्ययनसँगै लोक सेवाको पनि अनुभव हुन्छ भनेर दरखास्त दिएकी थिएँ । पहिलो प्रयासमै लोक सेवा पास भइयो । आयोग पास गरेर देशको सेवा गर्ने मौका पाउँदा खुसी लागेको छ ।”
आयोग पास भएपछि उनलाई मकवानपुर जिल्लाको बकैया गाउँपालिकामा कृषि अधिकृतमा रुपमा खटाइएको छ ।
बिज्ञापन
