उपप्रधान तथा शहरी विकास मन्त्री प्रकाशमान सिंहले मन्त्रालयका आधा दर्जन सहसचिवहरुको जिम्मेवारी हेरफेर गरेका छन् । बरिष्ठ सहसचिवलाई पाखा लगाउँदै यस पटक पनि सहरी विकास तथा भवन निर्माण विकासको महानिर्देशकको कुर्सीमा मचाकाजी महर्जन पुगेका छन् । त्यहाँ कार्यरत रहेका कुमार घिमिरेलाई बाग्मती सभ्यतामा खटाएर महर्जनलाई महानिर्देशकको जिम्मेवारी दिइएको हो । विभागमा उनीभन्दा बरिष्ठ ८ जना सहसचिव हुँदाहुँदै उनलाई भवन विभागको महानिर्देशक बनाइएको छ । बरिष्ठ सहसचिव कुमार घिमिरे आगामी माघमा अनिवार्य अवकाशमा जाँदैछन् । सामान्यतया ६ महिना जागिर अवधि बाँकी भएका विभागीय वा कार्यालय प्रमुखलाई हटाउन मिल्दैन । तर पनि अवकाशको मुखमा रहेका सहसचिवलाई विभागबाट सरुवा गरिएको छ ।

बिज्ञापन

अर्बौको ठेक्कापट्टा चलाउन पाइने उक्त निकायमा जुनियर सहसचिवलाई टिपेर लगिएको हो । यस अघिका हाकिम सुरेन्द्र श्रेष्ठ  अनिवार्य अवकाशमा गएसँगै कुमार घिमिरेलाई त्यहाँ लगिएको थियो । यसअगाडि नै महानिर्देशक चलाएर बाहिरिएका पदमकुमार मैनाली, अहिले मन्त्रालयमा छन् । यस्तै रामचन्द्र दंगाल, नवराज प्याकुरेल र चक्रवर्ती कण्ठहरू प्रवल दावेदार हुन् । तर मन्त्रीले नेवारी समुदायकै सहसचिवलाई खोजेर विभागमा पुर्याएका हुन । महर्जन काठमाडौका रैथाने हुन । मन्त्री श्रेष्ठको घर काठमाडौं क्षेत्रपाटीमा छ भने महर्जन असन आसपास ।सामान्यतया ६ महिना जागिर अवधि बाँकी भएका विभागीय वा कार्यालय प्रमुखलाई हटाउन मिल्दैन । तर पनि मन्त्री सिंहले अवकाशको मुखमा रहेका सहसचिवलाई विभागबाट सरुवा गरिएको छ । यसरी सरुवा भएका सहसचिवहरुमध्ये एक दुई महिना पछि अर्काे पाँच महिना पछि अनिवार्य अवकाशमा जाँदैछन् ।