सशस्त्र प्रहरी बल नेपालको झण्डा सगरमाथाको चुचुरोमा फहराइएको छ । सशस्त्र प्रहरी बलका प्रहरी निरीक्षक (इन्स्पेक्टर) सुरज पौडेलले सोमबार बिहान १०ः२० बजे सर्वोच्च शिखर सगरमाथाको सफल आरोहण गरेका छन् ।
बिज्ञापन
सशस्त्र प्रहरीका सह–प्रवक्ता डीएसपी शैलेन्द्र थापाका अनुसार, सशस्त्र प्रहरीबाट पहिलो पटक पौडेलले सगरमाथा आरोहण गरेका हुन् । उनी शेर्पा एक्स्ट्रिम प्रा.लि.मार्फत ३० चैतमा सगरमाथा आरोहणका लागि प्रस्थान गरेका थिए । आरोहणको क्रममा पौडेलले लोबुचे हिमालको सफलतापूर्वक आरोहण गरेका थिए । उनी वैशाख १४ गते बिहान ८ बजेर २० मिनेटमा ६११९ मिटर अग्लो हिमालको चुचुरोमा पुगेका हुन् ।
बिज्ञापन
पौडेल सशस्त्र प्रहरी बलको सि.सं. ९ औ ब्याचका निरीक्षक हुन् । उनको आरोहण दलमा नेपाली र विदेशी गरी जम्मा १० जना छन् । २०६७ सालमा खुला प्रतिष्पर्धाबाट सशस्त्र प्रहरी निरीक्षकमा प्रवेश गरेका पौडेल स्याङ्जाका स्थायीवासी हुन् । उनी सशस्त्र प्रहरी सेवामा प्रवेश गर्नुअघिबाटै पदयात्रामा रुचि राख्थे ।
