काठमाडौँ । विशेष अदालत काठमाडौँले लागुऔषध मुद्दामा दोषी ठहर भएका एक अभियुक्तलाई सम्पत्ति शुद्धीकरणमा मुद्दामा दोषी ठहर गरेको छ । विशेष अदालतले मनिष भन्ने दुर्गासिंह तामाङलाई सोमबार दोषी ठहर गरेको हो । उनी यसअघि लागुऔषध मुद्दामा काठमाडौँ जिल्ला अदालतबाट कसुरदार ठहर भई १० वर्ष कैद र १ लाख रुपैयाँ जरिवाना भएको थियो । उक्त मुद्दा उच्च अदालत पाटनले सदर गरेको थियो ।
बिज्ञापन
विशेषले उनलाई सम्पत्ति शुद्धीकरणको अभियोगमा पनि दोषी ठहर गर्दै २७ लाख १७ हजार रुपैयाँ बिगो र सोही बराबर जरिवाना हुने फैसला सुनाएको छ। विशेष अदालतका अध्यक्ष टेकनारण कुँवर र न्यायाधीश मुरारीबाबु श्रेष्ठको इजलासले उनलाई ६ वर्ष कैद हुने फैसला सुनाएको हो । उनीसँग २३ लाख ५० हजार नगद समेत बरामद भएको भन्दै विशेषले उक्त रकम पनि जफत हुने ठहर गरेको छ।
बिज्ञापन
जसपछि लागुऔषध नियन्त्रण ब्युरोले विभागलाई पनि अनुसन्धानका लागि पत्राचार गरेको थियो। विभागले अनुसन्धानका क्रममा गैरकानुनी क्रियाकलापबाट सम्पत्ति आर्जन गरेको दाबीसहित गत २ वैशाखमा मुद्दा चलाएको थियो।
अनुसन्धानका क्रममा तामाङका विभिन्न बैंक खाता, नगदसमेतकाे सम्पत्तिबराबर बिगो कायम भएको थियो। तामाङमाथि ४० लाख सात हजार रुपैयाँ बिगो कायम गरी मुद्दा चलाइएकोमा ठहर हुने फैसला भएको हो।
बिज्ञापन
