तिमी ठूलो छौ,
तिम्रोभेष ठूलो छ,
त्यस्तै परिवेश छ।
देशभित्रका
फाँटमा हेर,
टारमा हेर!
जताततै
तिमीले बनाएको कुलो छ।
त्यस्तै,
सदुपयोगै सन्दर्भमा
यहाँ फेरि हर घाँस
औषधिमूलो भएको छ!
को गएको छ र विदेश ?
केही गएका भए पनि ठिकै छ,
प्रतिस्पर्धा घटेको छ,
ऎस आराम बढेको छ
राजनैतिक ठूलो पदमा पुग्ने
एकाधले बाहेक
कसले थोरै पढेको छ?
त्यसैले त यहाँ,
जननिर्यात बढेको छ।
सुदृढ व्यापर छ !
निर्यात आयतको
क्या राम्रो अनुपात छ!
क्या राम्रो हात र बात छ!
क्या राम्रो साथ र नाक छ!
क्या राम्रो कान, मन,
मस्तिष्क र आँखा छन् !
राम्रो शरीर छ,
शरीर ठूलो छ।
किनकि,
यस शरीरको
पाउदेखि शिरसम्म
जताततै फूलो छ।
यसकै बढुवा गर्ने
औसधिमूलो छ।
कति राम्रो!
आहा!
हर चिज ठूलो छ!
जताततै देशमा कुलो छ।
तिम्रो देशमा
आहा!
क्या गजब छ!
क्या गजब छ!!

बिज्ञापन