मालपोत कार्यालय सोलुखुम्बुका तत्कालीन खरिदार तेजनाथ पौडेलसहित १० जनाविरुद्ध पनि आजै भ्रष्टाचार मुद्दा दायर भएको छ । अख्तियारले उनीसहित नापी कार्यालयका तत्कालिन अमिन टंकप्रसाद निरौला, खुम्बु पासाङल्हामु गाउँपालिका–१ का बुद्धमाया थापा मगर, उनका नाती रामकृष्ण थापा मगरविरुद्ध मुद्दा दर्ता गरेको हो ।
बिज्ञापन
त्यस्तै, फुर गेल्जे शेर्पा, ङिम याङजी शेर्पा, ल्हाक्पा दिकी शेर्पा, पेम्बा शेर्पा, ल्हाक्पा गेल्जेन शेर्पा, शर्मिला राई र स्वर्गीय मिङमा ल्हामु शेर्पालाई पनि प्रतिवादी कायम गरिएको छ ।
बिज्ञापन
उनीहरुले आपसी मिलेमतोमा तत्कालिन श्री ५ सरकारको नाममा कायम भएको सोलुखुम्बुको साविक जुभिङ्ग गाविस–५ को कित्ता नम्बर ६२०, ६२२ र ६२४ को क्रमशः तीन हजार एक सय, दुई हजार पाँच सय र चार हजार सात सय वर्गमिटर जग्गा बदनियतपूर्वक गैरकानूनी तवरले व्यक्तिको नाममा दर्ता गराएको अख्तियारको आरोप छ ।
आरोप पत्रमा भ्रष्टाचार निवारण ऐन, २०५९ को दफा ८ बमोजिम छ लाख १८ हजार रुपैयाँ बिगो कायम गरी कैद र जरिवानाको मागदाबी गरिएको छ ।
