गण्डकी प्रदेशका भौतिक पूर्वाधार विकास तथा यातायात व्यवस्था मन्त्री दीपक मनाङेले यातायात व्यवस्था कार्यालय कास्कीका कर्मचारीलाई घण्टैपिच्छे हाजिर गर्न निर्देशन दिएका छन् । यातायात कार्यालयको अनुगमन गर्न पुगेका उनले काममा इमान्दारिता देखाउन आग्रह गरेका हुन् ।
बिज्ञापन
मन्त्री मनाङे सोमबार दिउँसो साढे एक बजे पोखराको पृथ्वीचोकस्थित मन्त्रालयअन्तर्गतको यातायात व्यवस्था कार्यालय, सवारी, कास्की पुगेका हुन् । उनले त्यहाँको सेवा प्रवाह र भौतिक पूर्वाधारको अवस्थाबारे कार्यालय प्रमुख डिल्लीराम रिज्यालसँग जानकारी लिए । त्यसपछि प्रमुख रिज्याललाई विद्युतीय हाजिरीको व्यवस्था गर्न र घण्टैपिच्छे हाजिरको व्यवस्था गर्न मन्त्री मनाङेले निर्देशन दिए । ‘कर्मचारी टाइममै आएनन् भन्ने गुनासो भएर आएको हो । ८ घण्टा हरेक घण्टा हाजिर गर्नपर्छ,’ उनले भने, ‘त्यो गर्यो भने ९ देखि ५ बजेसम्म बस्नैपर्छ ।’
बिज्ञापन
मन्त्री मनाङेले चाहिँ अनलाइन सेवा सुचारु गर्न आइपरेको समस्याका बारेमा केन्द्रमा समन्वय गर्ने प्रतिबद्धता व्यक्त गरेका छन् ।
बिज्ञापन
