देशैभरका बहालवालादेखि अवकाश प्राप्त कर्मचारी,शिक्षकहरुसँग सम्बन्धित संवेदनशील व्यक्तिगत विवरण राखिएको वेबसाईट असुरक्षित भएको भेटिएको छ ।महिना दिन पनि भएको छैन,निजामती कर्मचारीहरुको आधिकारिक विवरण रहने निजामती किताबखानाको वेवसाइड नै ह्याक भएको । यो घटना सेलाउन नपाउँदै फेरि शिक्षक किताबखानाको वेव साइड ह्याकको निशानामा परेको छ । पछिल्लो चीन चार दिनदेखि शिक्षक किताबखानाको वेवसाइड ह्याकरको निशानामा परेका कारण रिकभरको प्रयास भइरहेको शिक्षक किताबखानाले जनाएको छ । देशभरका स्थायी निजामती कर्मचारी देखि शिक्षकको वैयक्तिक विवरण राख्ने, पेन्सनको सिफारिस गर्ने तथा उपदान र सञ्चित रकम वितरण गर्ने जिम्मेवारी पाएको किताबखानाको वेवसाइड ह्याकरको निशानामा परेको हो । देशभरका सामुदायिक विद्यालयमा रहेका एक लाखभन्दा बढी शिक्षकहरुको विवरण रहने निकायको वेबसाइड ह्याक भएको कार्यालयले जनाएको छ ।
बिज्ञापन
यस अघि अघिल्लो महिनामात्र निजामती किताबखानाको वेव साइडसमेत ह्याक भएको थियो । सिंहदरबारभित्र रहेको डाटा सेन्टरको ब्याकअप (सहायक) को रुपमा हेटौंडामा रहेको डाटा सेन्टरबाट लामो मेहनत पछि निजामती किताबखानाको वेवमा रहेको डाटा ब्याकअप गराइएको थियो ।
