कुनै समयका रत्नाकार डाकु पछि महर्षि वाल्मिकीमात्र बनेनन,रामयणजस्तो कृतिको रचना गरे र जीवन्त रहिरहे । एक समयमा गरेको बदमासीलाई लिएर मान्छेलाइृ जीवनभर दपेट्न त मिल्दैन तर मान्छे आफ्नै इतिहासबाट भाग्न पनि सक्दैन ।
यस्तै विगतमा बदमासीमा मुछिएर त्यही बदमासीले लखेटिरहने एक जना अधिकृत छन्,अर्थ मन्त्रालयमा । लोकसेवा आयोग केन्द्रीय कार्यालयले प्रशासनतर्फ लेखा समूहको लिखित परीक्षा सञ्चालन गरेको थियो अघिल्लो बर्ष माघ १० र १७ गते । खुलातर्फ २ जना र पिछडिएको क्षेत्रबाट १ जना माग गरिएकोमा उक्त विज्ञापनमा लिखित परीक्षामा सम्मिलित थिए ५११ जना । तिनैमध्येका हुन रामप्रसाद जोशी जो पिछडएको क्षेत्रबाट परीक्षामा सहभागी थिए । सहभागीमध्ये खुलातर्फ २० र पिछडिएको क्षेत्रबाट ६ जनाले लिखित परीक्षामा नाम निकाले । तिनैमध्येका हुन जोशी । तिनै अधिकृतले हालसालै उपसचिवको लिखित परीक्षामा नाम निकलोसँगै उनको विगतका बदमासीहरु बाहिर छरपष्ट हुन थाल्यो । चर्काे विवादपछि परीक्षा हापेसँगै अहिले चर्चामा छन्,ती कर्मचारी । लोकसेवा सम्बन्धी आधा दर्जनौ पुस्तक प्रकाशन गरिसकेका ती अधिकृतले लिखित परीक्षामा नाम निकाले,पछि उनका बदमासी बाहिर आयो र लाजले उपसचिवको परीक्षामा सामेल हुन सकेनन् ।
बिज्ञापन
जोशीले उपसचिवमा नाम निकाले अनि ११ बर्ष अगाडिको घटना अहिले सार्वजनिक भएसँगै उनी इन बास्केट एक्साइज परीक्षामा सामेल हुन सकेनन् । जोशी एक दशक अगाडि सामाजिक सुरक्षा भत्ता हिनामिनामा मुछिएर अदालतबाट दोषी ठहर भएका कर्मचारी हुन ।
बिज्ञापन
यो प्रकरणमा तत्कालीन गाविस सचिव जोशीले सामाजिक सुरक्षा भत्ता वापत २१ लाख २२ हजार ४ सय रुपैयाँको एउटा झोला र १८ लाख ३० हजार रुपैयाँ पैसा रहेको झोला बोकेर गायब भएका थिए । पछि यो प्रकरणमा प्रहरीले उनैलाई मुख्य प्रतिवादी ठहर गर्दै जिल्ला सरकारी वकिल कार्यालय मार्फत जिल्ला अदालत बाजुरामा चोरी मुद्दा दर्ता गर्छ । जिल्ला अदालतले जोशीले चोरी गरेको ठहर गर्छ । पुनरावेदन (उच्च)ले पनि जिल्लाकै फैसला सदर गर्छ । अनि सर्वोच्च पुगेका जोशी चोर नै भएको प्रमाणित हुन्छ । सर्वोच्च अदालतका न्यायाधीश सपना प्रधान मल्ल र हरि फुँयालको इजलासले जिल्ला र उच्चको फैसला सदर गर्दै जोशीलाई १ महिना कैद र ३८ हजार जरिवाना हुने ठहर गर्यो ।
बिज्ञापन
त्यसैबीच जोशीले राजस्व अधिकृत बनेर जागिर सुरु गर्छन् । फेरि लेखातर्फको उपसचिवको परीक्षामा भिड्न,र नाम निकाल्छन् । अन्तर्वार्ता दिने बेला आएपछि भने सबै भेद खुल्छ र उनले अन्तर्वार्तामा सामेल हुँदैनन् । बाजुरा जिल्ला अदालत, तत्कालीन पुनरावेदन अदालत, दिपायल (हाल उच्च) र सर्वोच्च अदालत समेत उक्त मुद्धामा दोषी करार भइ १ महिना कैद सजाय भुक्तान गरिसकेका कर्मचारी हुन । जोशी हाल राजस्वका अधिकृतको भूमिकामा छन् । राजस्वका अधिकृत रहेका जोशी हाजिर गरेर टाप ठोक्ने काम (हाटा) गर्ने कर्मचारीमा पर्दछन् ।
अर्थ मन्त्रालयका कर्मचारीहरुका अनुसार उनी मन्त्रालयमा कम र लोकसेवाका कक्षामा बढी भेटिन्छन् । उनले काठमाडौंको चर्चित इन्सिच्युटमा अनलाइन कक्षा चलाइरहेका छन । यतिमात्र होइन उनका आधा दर्जन बढी लोकसेवा तयारी कक्षासम्बन्धी पुस्तक समेत सार्वजनिक गरेका छन् ।
*(समाचार प्रकाशन पछि अधिकृत जोशीको आपत्ति र प्रेस काउन्सिल नेपालको ध्यानाकर्षणपछि समाचार शीर्षक र तस्विर सम्पादन गरिएको)
